Bakunews.az Gəncə şəhərində sakinlər arasında televiziya efirləri ilə bağlı sorğu keçirib. Sorğunun məqsədi tamaşaçıların televiziya proqramlarında hansı sənətçiləri daha çox görmək istədiklərini müəyyənləşdirmək olub.

Sorğunun nəticələrinə görə, Gəncə sakinləri Azərbaycan estradasının və muğam sənətinin tanınmış nümayəndələrinin efirlərdə daha çox yer almasını arzuladıqlarını bildiriblər.

Ən çox adını çəkdiyi sənətçilər arasında Aygün Kazımova, Röya Ayxan, Manana Caparidze, Tünzalə Ağayeva, Mir Yusif və Faiq Ağayev kimi məşhur ifaçılar xüsusi yer tutur.

Sorğuda həmçinin muğam və xalq musiqisi ifaçıları da tez-tez qeyd olunub. Belə ki, sakinlər Alim Qasımov, Mənsum İbrahimov, Elnarə Abdullayeva və Nüşabə Hümmətova kimi sənətkarların televiziya proqramlarında daha çox iştirak etməsini istədiklərini bildiriblər.

Bundan əlavə, sorğuda Flora Kərimova, Nazpəri Dostəliyeva, Zülfiyyə Xanbabayeva, Brilliant Dadaşova, Sevda Ələkbərzadə, Eyyub Yaqubov və Xumar Qədimova kimi tanınmış ifaçıların da adı çəkilib.

Siyahıda həmçinin Azerin (Anaxanım Tağıyeva), Zakir Əliyev, Teymur Əmrah, Lalə Məmmədova, Abbas Bağırov, Babək Niftəliyev, Yusif Mustafayev, Sevinc Sarıyeva, Səbinə Babayeva, Könül Kərimova, Elton Hüseynəliyev, Xəyyam Nisanov, Gülüstan Əliyeva, Ruhəngiz Allahverdiyeva, Mətanət İsgəndərli, Firuzə İbadova, Ədalət Şükürov,  Bəyimxanım Vəliyeva, Almaz Orucova, Aybəniz Haşımova, Aydan İbrahimli, Gülyaz Məmmədova, Gülyanaq Məmmədova, İlkin Əhmədov, Niyaməddin Musayev, Bilal Əliyev, Ağadadaş Ağayev, İlqar Muradov, Nəsibə Abdullayeva, Könül Xasıyeva, Mələkxanım Əyyubova, Nuriyyə Hüseynova, Bəsti Sevdiyeva, və Nəzakət Teymurova kimi sənətçilər də yer alıb.

Sorğunun nəticələri göstərir ki, tamaşaçılar televiziya proqramlarında daha çox canlı ifalar, milli musiqi və peşəkar sənətkarların iştirakı ilə hazırlanan verilişlərin olmasını arzulayırlar. Sakinlərin fikrincə, tanınmış və təcrübəli sənətçilərin efirlərdə daha çox görünməsi televiziya məzmununun keyfiyyətini də artıracaq.

Nərmin Balacayeva 
Bakunews.az