Abşeron-Xızı Regional Təhsil İdarəsinin təşkilatçılığı ilə Sumqayıt şəhər General Məhəmməd Əsədov adına inteqrasiya təlimli internat tipli gimnaziyada sağlamlıq imkanları məhdud şagirdlərlə “Yaşıl dünya naminə həmrəy olaq-Sərhədsiz yaradıcılıq” adlı “Müstəqilliyimiz daimidir” mövzusunda rəsm festivalı təşkil edilib.

Den.az xəbər verir ki, Festivalda Abşeron-Xızı Regional Təhsil İdarəsinin müdiri İlhamə xanım Abdullayeva iştirak edərək, şagirdlərin istedadlarını onların təqdimatında izləyib.

Çıxışında xüsusi istedadı ilə fərqlənən şagirdlərin gələcəkdə böyük nailiyyətlər əldə edəcəyini bildirən İdarə müdiri yaradıcılığın məhdudiyyətsiz olduğunu şagirdlərə bildirib.

Festival zamanı şagirdlər canlı şəkildə rəsm çəkərək əl işlərini nümayiş etdirib, şagirdlərin ifasında vətənpərvərlik mövzusunda mahnılar və şeirlər səsləndirib, səhnəciklər nümayiş olunub.

Tədbirin sonunda münsif heyəti şagirdlərin əl işlərindən ibarət sərgi ilə tanış olub. Daha sonra müəllim və şagirdlərlə görüşüb, onların qayğıları ilə maraqlanıb.

Şahnaz Əliyeva