Azərbaycan Dövlət İqtisad Universitetinin nəzdində fəaliyyət göstərən Qida Sənayesi Kolleci ilə bağlı sosial mediada yayılan imtahan saxtakarlığına dair görüntülər bir çox suallar doğurub. Elm və Təhsil Nazirliyinin nəzarətində fəaliyyət göstərən bu təhsil müəssisəsində imtahanların formallığa çevrilməsi, tələbələrdən alınan qeyri-rəsmi ödənişlər və 25% sistemi adı altında həyata keçirilən korrupsiya ilə bağlı ictimai narazılıqlar artmaqdadır.

Sosial şəbəkələrdə yayılan kadrlarda tələbələrin imtahan suallarını telefondan köçürməsi, nəzarətçilərin buna göz yumması, imtahan cavablarının əvvəlcədən ötürülməsi açıq şəkildə görünür. Təəssüf doğuran məqam isə kollec rəhbərliyinin bunu inkar etməsi, bəzi media platformalarında isə məntiqsiz açıqlamalarla hadisəyə don geyindirməyə çalışmalarıdır. Lakin bunu bilən Azərbaycan Dövlət İqtisadiyyat Universitetinin rəhbəri və Elm və Təhsil Nazirliyinin aidiyyatı şəxslərinin susqunluq nümayiş etdirməsidir. Cəmiyyətin formalaşması onun təhsilindən başlaması hamımıza aydın faktordur. Lakin Qida Sənayesi Kollecində baş verən qalmaqalı görüntülər bir çox nöqsanların üstünündə açılmasına səbəb olub. Amma bu nöqsanlar görütülərin olduğu halda susan rəhbər şəxslərə yəqin ki o qədərdə kefini pozmayacaq. Nə qədər olmaya görüntü olan qanun pozuntusuna göz yumuq ən ağırı hesab edilməsi prizmasından yanaşılacaq. Buna baxmayaraq isə biz bu araşdırmalarımız davamlı olaraq cəmiyyətə və yuxarı instansiyalara çatıracağıq.

Qeyd edək ki, 2024-cü ilin yay və payız semestrlərində tələbələr imtahanların 80-90-faizin yazılı verib. Buda onsuzda bərbat olan təhsil səviyyəsində tələbələrin 80 faizdən çoxunun kəsilməsinə gətirib çıxarıb. Beləliklə 25 % ödənişlər ödəyənlərin sayında artım olub. Müəssisənin büdcəsinə yüksək məbləğdə vəsait toplanıb. Bəs bu toplanan vəsaitin aqibəti barədə niyə açıqlama təqdim edilməyir deyə sual cəmiyyəti maraqlandırır... bu barədə gələn yazılarımızda geniş izah olacaq. Keçək əsaas məsələlərdən birinə.


Rəsmi məlumatlara görə, tələbələr imtahanda kəsildikdən sonra 25% ödəniş etməklə yenidən imtahana girə bilir. Bu minvalla tələbə imtahana buraxıldıqdan sonra qeyri rəsmi tələb olunan icra edilmədikdə həmin tələbə növbəti kəsirini almış olur. Lakin tələbələr arasında yayılan yazışmalar və bəzi mənbələrdən əldə etdiyimiz məlumata görə, bu ödənişin miqdarı rəsmi 25%-dən olsada qeyri rəsmi rüşvət olaraq verməli olduqları bəzən 400-500 manata qədər pul tələb edilr. Yəni bir imtahan 50 manatdan 100 manat arası dəyişilir. Bəs bu pullar hara gedir? Nə üçün 5-6 ay hazırlaşan tələbə kəsilir, amma 1 həftədə “köçürmə şəraiti” ilə imtahan verən tələbə keçmiş sayılır?

Onuda qeyd edim ki, yuxarıda qeyd edilənlərin hamısı həm Elm və Təhsil Nazirliyində olduğu kimi Prokurorluq orqanınada rəsmi təqdim edilmiş sübutlardır. Lakin bu sübutların qiymətləndirilməsini Agentlik gecikdirir deyə məlumatda əldə etmişik. Təbii ki burda suni maneələr varsa demək maraqlar var.

Elm və Təhsil Nazirliyinin Daxili Nəzarət Sektoru tərəfindən aparılan yoxlamalar, hadisənin baş verdiyini təsdiqləsə də, bu günə qədər heç bir ciddi tədbir görülməyib. Halbuki əvvəllər bənzər faktlara görə rəhbər vəzifəli şəxslər vəzifədən kənarlaşdırılırdı. Bu dəfə isə susqunluq və himayə görüntüsü yaranır. Nazirliyin ciddi bir məsələdə bu qədər sakit qalması isə cəmiyyət tərəfindən bir mənalı qarşılanmır. Odur ki, şəxslərində TV kanalara verdikləri açıqlamanın gülünc tərəflərini izləmiş olan Nazir Emin Əmrullayev yəqin vaxtında atmadığı adımı bu məqaləmizdən sonra atacağına ümid edirik.


Nəticə olaraq, Qida Sənayesi Kollecində baş verənlər təhsil sistemimizin bir hissəsinin necə çökdüyünü göstərir. Saxta imtahanlar, qeyri-rəsmi ödənişlər, rüşvət və rəhbərliyin məsuliyyətsizliyi dövlətin təhsilə verdiyi əhəmiyyəti və cəmiyyətin gələcək intellektual potensialını təhlükə altına alır.

Növbəti yazılarda:
- “25% ödənişi”nin arxasındakı şəxslər kimlərdir?
- İmtahan sistemi necə formalaşdırılıb və nə üçün məqsədyönlü şəkildə çökdürülüb?
- Maliyyə itkiləri və büdcə vəsaitlərinin mənimsənməsi
- Ülvi Əzizov kimdir və ona verilən imtiyazların səbəbləri...?

Araşdırmamız davam edir...
Bakunews.az olaraq bu məsələni daim diqqətdə saxlayacağıq.