Lənkəranda bağça qalmaqalı ilə bağlı yayılan məlumat aidiyyatı qurumlar tərəfindən TƏKZİB edildi
Son günlər sosial şəbəkələrdə və bəzi portallarda “Lənkəranda bağça direktorunun ərzaq oğurluğu zamanı yaxalanması” barədə yayılan iddialar həqiqəti əks etdirmir.
Bakunews.az olaraq məsələ ilə bağlı rəsmi qurumlara ünvanladığımız sorğulara cavab olaraq bildirildi ki, yayılan məlumat tamamilə əsassızdır. Əslində, adı çəkilən H. Novruzova bağçanın müdiri yox, sadəcə müəllimədir. Onun hüquq mühafizə orqanları tərəfindən saxlanılması və istintaqa cəlb olunması barədə xəbərlər də yalandır.
Əlavə olaraq, əldə etdiyimiz məlumata görə, bu dezinformasiya kənd sakinlərindən birinin şəxsi ədavət zəminində mediaya ötürülüb. Bağçada yeni direktorun təyin olunması ilə bağlı yaranmış müəyyən dəyişikliklər isə ictimaiyyətə təhrif olunmuş şəkildə təqdim edilib.
Qeyd edək ki, bu kimi xəbərlərin tirajlanmasına nail olmaq istəyənlər anlamalıdır media onların ədavət aparacaqları şəxsi alətləri deyil. Odur ki iddialarınızla bağlı rəsmi faktları təqdim etmədən kiminsə ləkələnməsinə şəraitin yaranmamasına rəvac verməyək.
Əlaqə whatsapp:+994 70 402 02 85
BakuNews.az
