Sumqayıt Dövlət Universitetində (SDU) Psixologiya ixtisası üzrə ikinci ali təhsil alan tələbələr akademik borcların ödənişi ilə bağlı ciddi narahatlıqlarını ifadə edirlər. Cari tədris ilində tələbələrdən 1-ci kursdan qalan akademik borcların ödənişli şəkildə tamamlanması tələb olunur, lakin bu prosesdə yaranan qeyri-şəffaflıq universitetin etibarlılığına ciddi sual işarəsi qoyur.

Tələbələrin məlumatına görə, akademik borcların ödəniş məbləği hər bir tələbə üçün fərqli müəyyən edilir. Bu fərqlilik əvvəlki universitetlərdə keçilən fənlərlə əlaqələndirilirsə də, kredit vahidinə görə qiymət cədvəli tələbələrə təqdim edilmir. Nəticədə tələbələr hansı fənn üçün nə qədər ödədiklərini və bunun əsassız olub-olmadığını aydın görə bilmirlər. Bu həm hüquqi, həm də etik baxımdan ciddi problem yaradır.

Daha narahatedici məsələ isə ödənişlərin rəsmi sistemlərdə əks olunmamasıdır. Portal.edu.az və universitetin daxili elektron sistemində cari təhsil haqqı borcu qeyd olunur, amma akademik borcların ödənişi sıfır kimi göstərilir. Rəsmi sistemdə görünməyən ödənişlərin tələb edilməsi tələbələri gələcəkdə hüquqi risklərə açıq qoyur və bu vəziyyət universitetin şəffaflıq prinsiplərinə uyğun olmadığını ortaya qoyur.

Tələbələr universitetdən açıq və konkret izahat tələb edirlər. Ödənişlər qanuni olsa belə, rəsmi sistemdə əks olunmadan tələb edilməsi qəbuledilməzdir. Sumqayıt Dövlət Universiteti rəhbərliyi dərhal bu prosesdə şəffaflığı təmin etməli, ödənişlərin rəsmi sistemlərdə görünməsini təmin etməli və qiymət siyasətini tələbələr üçün aydın şəkildə təqdim etməlidir. Əks təqdirdə tələbələr həm maliyyə, həm də hüquqi problemlərlə üzləşmək məcburiyyətində qalacaqlar.

Tələbələr yalnız ödəniş etməklə kifayətlənmir; onlar qanuni və şəffaf təhsil haqqı prosedurlarını tələb edirlər və universitet rəhbərliyi bu çağırışa dərhal cavab verməlidir.

BNTV.Az xəbər verir ki, məsələyə təhsil ekspertlərindən əldə etdiyi qanuniliyi ilə bağlı münasibətdə bildirilib.
Ekspertlərin fikrincə Sumqayıt Dövlət Universitetində Akademik borcların ödənişi ilə bağlı qeyri-şəffaflıq höküm sürdüyü ilkin baxışdan məlum olmaqdadır.


1 ~ Azərbaycan Respublikasının “Təhsil haqqında” Qanununa əsasən, tələbələrdən yalnız rəsmi təsdiqlənmiş təhsil haqqı və ya öyrədilən fənlərin proqramına uyğun ödənişlər tələb oluna bilər. Akademik borcların ödənişli şəkildə tələb edilməsi qanuni ola bilər, lakin bu ödənişlər rəsmi dövlət və ya universitet sistemi vasitəsilə qeydə alınmalı və tələbənin şəxsi kabinetində əks olunmalıdır. Bu, tələbələrin hüquqlarının qorunması və gələcəkdə hüquqi risklərin qarşısını almaq üçün zəruridir.

2 ~ Ekspert rəyinə görə, akademik borclar üzrə fərqli ödəniş məbləğlərinin tətbiqi açıq qiymət cədvəli olmadan ciddi maliyyə şəffaflığı problemi yaradır. Tələbələrin hər biri üçün ayrı-ayrılıqda ödəniş müəyyən edilməsi, əgər kredit vahidinə görə dəqiqləşdirilməyibsə, haqsızlıq və sui-istifadə riskini artırır.

3 ~ Ödənişlərin Portal.edu.az və universitetin daxili sistemi vasitəsilə “0” olaraq göstərilməsi tələbələr üçün hüquqi və maliyyə riskləri yaradır. Ekspert rəyinə görə, rəsmi qeydlərdə görünməyən ödənişlər gələcəkdə tələbənin diplom və təhsil haqqı ilə bağlı problemlərlə üzləşməsinə səbəb ola bilər.

Ekspertlər bildirir ki, nəticə etibari ilə tövsiyə edilir ki,
~ Sumqayıt Dövlət Universiteti dərhal ödəniş sistemini şəffaflaşdırmalı, akademik borclar üzrə hər bir tələbənin ödənişini rəsmi sistemlərdə göstərməlidir.
~ Akademik borcların ödəniş məbləği və hesablama prinsipləri tələbələrə açıq şəkildə təqdim edilməlidir.
~ Bu addımlar atılmadıqda tələbələr həm maliyyə, həm də hüquqi baxımdan ciddi risklərlə üzləşə bilərlər.

Hal-hazırda tələbələrin narahatlığı tamamilə haqlıdır. Rəsmi qeydlərdə əks olunmayan ödənişlərin tələb edilməsi, şəffaflıq və qanunilik prinsiplərinə ziddir və dərhal düzəliş tələb edilməlidir. Şəxsi maraqlar qanundan üstün tutula bilməz. Birmənalı olaraq qanuni tədbirlərin icrası vacibdir.

Məsələ ilə bağlı Universitetin rəhbərliyin mövqeyn dinləməyə hazırıq.

BNTV.Az
Bakunews.az