Masallı rayonunda yerləşən İntiqam Əsgərli adına 3 saylı tam orta məktəb ilə bağlı narazılıqlar səngimək bilmir. Mazalantv.az xəbər portalına daxil olan şikayətlər məktəbdə ciddi problemlərin yaşandığını göstərir.

Valideynlərin sözlərinə görə, məktəbdə təhsil prosesi faktiki olaraq formal xarakter daşıyır. Bildirilir ki, şagirdlər illərlə dərsə getsələr də, elementar yazı və oxu bacarıqlarında ciddi çətinliklər yaşayırlar. Bu vəziyyət valideynləri əlavə məşğələlərə yönəlməyə məcbur edir.
Məcburi pul yığımı iddiaları
Şikayətlərdə qeyd olunur ki, məktəbdə müxtəlif adlar altında valideynlərdən pul yığımı həyata keçirilir:

- Hər şagird üçün aylıq 50 manat “məşğələ haqqı”
- 8 Mart münasibətilə 20 manat məcburi ödəniş
- Valideyn komitəsi vasitəsilə bayram və digər xərclər üçün pul yığımı

Qeyd edək ki, dövlət məktəblərində bu tip ödənişlər qanunvericiliyə ziddir və Azərbaycan Respublikasının Elm və Təhsil Nazirliyi tərəfindən qadağan olunub.

Mediada Hikmət Qurbanovla bağlı yayılan iddialara nə ragional təhsil idarəsi nə də nazirlikdən hər hanaı açıqlama daxil olmamışdır.
Məktəbin direktoru Hakim Qurbanov haqqında da bir sıra iddialar irəli sürülür. Valideynlər bildirir ki, məktəbdə idarəetmə ilə bağlı problemlər mövcuddur və rəhbərliklə görüşmək çətinləşdirilir.

Aparılan müşahidə və şikayətlər nəzarəti şübhə altna salmaqdadı. Məsələ ilə bağlı diqqət çəkən məqamlardan biri də aidiyyəti qurumların reaksiyasıdır. İddialara görə, məktəbdə aparılan yoxlamalar real nəticə vermir və problemlər yerində qalır.

Bu isə region üzrə təhsilə nəzarət edən Lənkəran-Astara Regional Təhsil İdarəsi fəaliyyətinə dair suallar yaradır.

Mozalantv.az olaraq aidiyyəti qurumları məsələni nəzarətə götürməyə və obyektiv araşdırma aparmağa çağırırıq.
Qarşı tərəfin mövqeyini dərc etməyə hazırıq və mövzunu diqqətdə saxlayacağıq.