Anons

28-07-2019, 19:11 - MOBİL OPERATORLAR AZƏRBAYCAN VƏTƏNDAŞLARINA QARŞI HÖRMƏTSİZLİK EDİR..?

18-06-2019, 15:06 - GDU dekanına qarşı ittiham dolu məktub – 166000 manat kimin cibinə...

18-06-2019, 11:20 - Bakı metrosunda təşviş - Sərnişinlər boşaldıldı

15-06-2019, 15:49 - Bu günki "Son zəng" Ağdam təhsilində kimlər üçün son olacaq - Etibar Toğrulun XIII yazısı

15-06-2019, 15:36 - Sumqayıt təhsilində biabırçılığa son qoyulmur – Himayədarım var deyənlər hələdə vəzifədədir

13-06-2019, 10:27 - Bakıda məktəb direktorlarının arayış biznesi: Bakı Türk litseyinin nüfuzu təhlükə altında

13-06-2019, 10:25 - "QUBANIN İCRA BAŞÇISI UKRANYADAKI ZAVODUNDA BİZNESMEN KİMİ GƏZİR"

13-06-2019, 10:20 - GDU-DƏ BAYRAM APOYEVİN ÖZBAŞINALIQLARINA DUR DEYƏN TAPILACAQMI?

13-06-2019, 09:26 - Beyləqanda Bazar sahibi Xəqani Əhmədovun dövlət torpaqlarını qanunsuz zəbt etməsini məhkəmədə subut edilib

2-06-2019, 04:56 - MÜƏMMALI GÖMRÜK-KARQO “İTTİFAQI” – “Nədən bizi karqoların qucağına atdılar?…”

2-06-2019, 04:15 - “Azercell Telekom” MMC Bakunews.az-a mövqeyin bildirdi - Şikayət məktubu ilə araşdırma yazını ayıra bilməyən kimdir?

30-05-2019, 11:11 - Cəlilabaddan ŞOK VİDEO: Baş həkim Kərəm Həsənovu ifşa etdi

30-05-2019, 11:07 - Respublika Müalicəvi Diaqnostika Mərkəzi 16000 pulumuzu qaytarmasalar

30-05-2019, 09:55 - 40 yaxın şəxs nazirliyin qarşısına toplaşdı - ETSN açıqlama verdi

30-05-2019, 09:40 - Azərbaycan nefti 2%-ə yaxın ucuzlaşıb

29-05-2019, 17:48 - DAA Belarusiyada cumhuriyyətin 101 illiyini qeyd etdi

28-05-2019, 19:06 - Avtomobillərdə plyonka məsələsi: qanun qadağan edir, polis “olar” deyir

23-05-2019, 19:29 - 459 manat ödədi amma... Chevrolet-in rəsmi servisində ÖZBAŞINALIQ!

23-05-2019, 15:41 - İsgəndər Həmidovun niyyətini pozan SPARTAK kimdir? – Müxalif şəxslərə müxalif çıxan şəxslə bağlı təfərüat

16-05-2019, 11:15 - Polis müstəntiqi Şahin Osmanov 3 uşaq atasını 10 min rüşvətə görə tutdurmaq istəyir – BÜTÜN ÖLKƏ ŞOKDA

16-05-2019, 10:33 - Azercell yazardan oğurlanan konturu geri qaytardı: “Bəs, onminlərin hüququ necə olacaq?”

16-05-2019, 10:02 - 13 yaşlı erməni oğlan müsəlman oldu, məsələ parlamentə qədər gedib çatdı

16-05-2019, 09:28 - Qazaxıstanda XII iqtisadi forum başlayıb

16-05-2019, 09:25 - ABŞ-Azərbaycan İqtisadi Tərəfdaşlıq Komissiyasının 4-cü iclası keçiriləcək

16-05-2019, 01:27 - CAVİD QURBANOVUN "İSPAN TAPMACASI": 22 işçisi olan şirkət tenderin qalibinə necə çevrildi?

16-05-2019, 01:21 - Azərsu Qorxmaz necə Hamam Qorxmaz oldu?

14-05-2019, 20:43 - Bakı sakininə qarşı ŞOK DƏLƏDUZLUQ - Maliyyə Nazirliyi, BŞİH və “Unibank” Həmayıl Xəlilovanın evinə necə yiyələnib?

14-05-2019, 20:41 - Dövlət Gömrük Komitəsində NÖVBƏTİ RƏZALƏT - Qurumun yarıtmaz siyasəti nəticəsində 8500 nəfər 4 aydır işsiz qalıb

Nazirlə icra başçısının milyonluq maxinasiyası

Tarix:19-02-2015, 10:59 Baxış Sayı:4 713

Nazirlə icra başçısının milyonluq maxinasiyası

Bakunews.az Jam.az-a istinadən xəbər verir ki, yanvarın 27-də prezident İlham Əliyevin kənd təsərrüfatına ayrılan subsidiyalardan narahatlıqla danışması bu məsələyə yenidən diqqəti yönəldib. Çıxışında prezident 2013-cü ildə kənd təsərrüfatı naziri təyin edilən Heydər Əsədova xitabən kənd təsərrüfatı məhsullarının bəzilərinin istehsalının aşağı düşməsinin təkcə quraqlıqla bağlı olmadığını vurğulayıb: “İndi kənd təsərrüfatı naziri, bəlkə də, demək istəmirdi. Dedi ki, quraqlıqla bağlıdır. Təkcə quraqlıqla bağlı deyil. Çünki əvvəllər qiymətlər şişirdilirdi. Nəyə görə? Subsidiyalara görə… Məgər burada oturanlar bilmir subsidiyalarda hansı pozuntular baş verirdi? Yaxşı bilir və bəziləri bu pozuntuların iştirakçılarıdır. Ona görə buna son qoyulmalıdır. Dövlət bu pulu fermerlərə verir, məmurlara yox… Nəticə çıxarın. Bir daha demək istəyirəm ki, bütün işlərdə şəffaflıq olmalıdır”.

Prezidentin bu çıxışından sonra Füzuli rayonundakı bir qrup fermer mətbuat vasitəsi ilə prezidentə müraciət edib. İcra başçısının təzyiqləri ilə üzləşəcəklərinə görə, fermerlər hələ ki, adlarının açıqlanmasını istəməyiblər.

Prezidentin çıxışına istinad edən müraciət müəllifləri Arqument.Az-a göndərdikləri məktubda bildirirlər ki, kənd təsərrüfatı naziri Heydər Əsədovla Füzuli rayon icra başçısı Alı Aliyev işbirliyi yaradaraq 2014-cü ildə Füzuliyə ayrılan subsidiyaları mənimsəyiblər.
Müraciətdə deyilir ki, bir çox adamlara subsidiyalar yazılıb və həmin adamlar pulları bankomatdan almayıblar. Fermerlər vəsaiti“Kapital Bank”ın Füzuli rayon filialından post-terminal vasitəsilə 50%-ni alıblar. Qalan 50%-i isə yığılaraq icra başçısı Alı Alıyevə verilib. Onlar müraciətlərində qeyd ediblər ki, Kənd Təsərrüfatı Nazirliyi subsidiyaları internet şəbəkəsində yerləşdirdiyi üçün saxtakarlıq aydın görünür.
Məsələn: Dövlət qış otlaq sahəsinə aid olan torpaqlardan

Alxanlı kəndi üzrə:
-Əliyev Kərəm Saleh oğluna – 10 hektar arpa:
-Hacıyev Vaqif Alkərəm oğluna – 5 hektar arpa (icra nümayəndəsi);
-Hacıyev Xalid Alkərəm oğluna – 5 hektar arpa;
-Alıyev Cavanşir Hüseyn oğluna – 4 hektar;
-Quliyev Ələddin Kamran oğluna – 12 hektar…

Araz Dilağarda kəndi üzrə:

-Əliyeva Məlahət Nuru qızına – 20 hektar və onun oğlu Əlixanov Dəyanət Nurəddin oğluna- 42 hektar.
-Aşağı Kürmahmudlu kənd üzrə:
-Xanmirzəyev Rafiq Tofiq oğluna – 20 hektar arpa.- Bayramov Rasim İbrahim oğluna – 6 hektarKərimbəyli kəndi üzrə:
-Məmmədov İsmixan Qəzənfər oğluna – 8 hektar arpa.

Mahmudlu-2 kəndi üzrə:
-Həsənov Mirzə Arzuman oğluna – 10 hektar arpa
-Böyük Bəhmənli kəndi üzrə:
-Hüseynov Həsən Bahadur oğluna – 18 hektar arpa.
-İsmayılov İlyas Mehrac oğluna – 26 hektar boş sahəsinə,
-İcra nümayəndəsi İsmayılov Sirac Mehrac oğluna – 25 hektar arpa və yonca
-Şükürova Maya Osman qızına – 5 hektar boş sahə Mirzəliyev Cəfər Aslan oğluna – 5 hektar boş sahə
-Musayev Tumas Əbil oğluna- 15 hektar arpa Süleymanov Rəhim Nəsib oğluna – 10 hektar boş sahə Quliyev Tiflis Cəmil oğluna – 9 hektar boş sahə…

Gecəgözlü kənd sakinləri:

-Məmmədov Hünbət Alıməmməd oğluna – 6 hektar arpa
-Qurbanov Gəray Allahverdi oğluna – 4 hektar arpa Tanrıverdiyev Nizami Kərəm oğluna- 10 -hektar buğda
-Xəlilov İbad Məhəmmədəli oğluna – 12 hektar (icra nümayəndəsi) Rüstəmov İlham Heydər -oğluna – 5 hektar Talıbov Vəli Hüseyn oğluna – 2 hektar…
Əbdürrəhmanlı kənd sakinləri:
-Nəsirov Allahverdi Qara oğluna – 4 hektar arpa
-Nəsirov Yavər Deputat oğluna – 2 hektar arpa
Yağlıvənd kənd sakini:
-Məmmədov Yaqub Sehriman oğluna – 4 hektar arpa.

Kürdlər kənd sakini:
-Səfərəliyev Ağəddin İsbəndiyar oğluna – 100 hektar arpa…

Ardınca fermerlər torpaq islahatı aparılmayan təsərrüfatlardan yazıblar:
Rayonun Horadiz kəndi işğalda olmasına baxmayaraq torpaqdan istifadə hüququna dair sənədi olmayan bir qrup adamlara kənd icra nümayəndəsi Ağayev Rasim Muradxan oğlu kolxoza aid torpaqları özünə və subsidiya yazılmasından xəbəri olmayan 21 nəfərə 700 hektar arpa və yonca sahəsini buğda əkini kimi göstərərək subsidiyalar yazmışdır. (Qeyd etmək istəyirik ki, Horadiz kəndi ərazisində faktiki əkini olanların adları subsidiya siyahısında yoxdur). Göründüyü kimi təqdim olunan subsidiya siyahısı tamamilə saxtadır.

Rayonun işğalda olan Qaraxanbəyli kəndinin bir qrup sakinlərinə sənədsiz olaraq “Şpartı” adlanan ərazisində olan 430 hektar arpa sahəsinə subsidiyalar yazılmışdır. Acınacaqlısı odur ki, siyahıda adı göstərilən 85 yaşlı Əliyev Əjdər Əli oğlunun 2 ildir ki, anlaqsız olduğu üçün qohumları tərəfindən Sumqayıt şəhərinə oğurlanıb aparılması barədə oğlu Əliyev Seymur Əjdər oğlu Respublikanın Baş Prokurorluğuna, Daxili İşlər Nazirliyinə və Füzuli rayon məhkəməsində işi aparılmış (cinayət işi) bir şəxsin adına 15 hektar, onun oğlanları Əliyev Seymur Əjdər oğluna 30 hektar və Əliyev Rafiq Əjdər oğluna 20 hektar subsidiya yazılmışdır. Bu kəndin siyahısına baxarkən aydın olur ki, subsidiyalar bir neçə ailənin üzvlərinə yazılmışdır.

Məsələn: Əliyev Tanrıverdi Şəfahət oğluna 25 hektar və onun arvadı Əliyeva Xalidə Ayazxan qızına 35 hektar, Qasımov Qəhrəman İsa oğluna 39 hektar və onun oğlu Qasımov Zahid Qəhrəman oğluna 19 hektar arpa sahələrinə subsidiyalar yazılmışdır. Burada da tərtib olunmuş subsidiya siyahısı saxtadır.

Rayonun 9 saylı Qayıdış qəsəbəsi üzrə:
Bakı şəhər sakini Əhmədov Əhəd Abbas oğluna üzüm bağı üçün ayrılan torpaq sahəsinin 230 hektarında əkdiyi şəkər çuğunduru və arpa sahəsini buğda əkini kimi göstərilərək subsidiya yazılmışdır.
Rayonun Əhmədbəyli kəndi üzrə:
Kənd sakini Bağırov Abdurəhim Cəmil oğluna qış otlaq sahəsində olan 28 hektar boş sahəyə subsidiya yazılmışdır.
Qarabağ kəndi üzrə:
-Kənd üzrə göstərilən 1500 hektar buğda sahəsinin 600 hektarı arpadır. O cümlədən qış otlaq sahəsi üzrə:
-Horadiz şəhər sakini Ələkbərov Qərib Əsgər oğluna – 75 hektar arpa
-Kənd sakini İsmayılov Musa Qubad oğluna – 20 hektar,
-Füzuli şəhər sakini Hüseynov Aydın İsa oğluna yazılan 300 hektar buğda sahəsinin 100 hektarı arpadır. Bu toxumçuluq təsərrüfatıdır. Araşdırılsa aydın görünər. İcra nümayəndəsi Əliyev Vidadi Nərçə oğluna – 16 hektar boş sahə
-Laçın rayon sakini Xanlarov Ziyad Hacı oğluna – 20 hektar arpa
-Füzuli şəhər sakini Kərimova Aminə Rəhim qızına – 15 hektar boş sahə
-Bakı şəhər sakini Əliyev Şəhriyar Nəriman oğluna – 200 hektar arpa
-Bala Bəhmənli kənd sakini İsmayılov İsmayıl Dəmir oğluna – 10 hektar boş sahə
-Üçbulaq kənd sakinləri Məmmədov Həkimxan İbrahim oğluna – 18 hektar yonca, –Qəhrəmanov Əhliman Qəhrəman oğluna – 25 hektar arpa və yonca…
Mahmudlu – 1 kəndi üzrə:
Kənd sakini rayon ekologiya idarəsinin rəisi Əliyev Nazim Məhəmməd oğluna heç bir hüquqi sənədi olmadan 10 hektar buğda sahəsi adı altında subsidiya yazılmışdır.

Müraciət müəllifləri bildirirlər ki, göstərilənlərdən aydın olur ki, rayon üzrə 18134.01 hektar buğda sahəsi üçün ayrılan subsidiyanın 2402 hektarı arpa, yonca və boş sahə təşkil edir: “Bu da 96080.00 manat dövlət vəsaitinin talanmasıdır”.

Müraciət müəlliflərinin dediyinə görə, qeyd olunan vəsait mənimsənilərək Alı Alıyevlə Heydər Əsədov arasında bölüşdürülüb. Bu iddianın nə qədər doğru olub-olmadığını deyə bilmərik. Amma hesab edirik ki, bu məsələyə sözügedən nazirlik və icra hakimiyyəti aydınlıq gətirməlidir…
Qeyd edək ki, fermerlər məsələ ilə bağlı ölkə baçısından kömək də istəyiblər.
“Cənab Prezident, nə üçün biz fermerlərə qış otlaq sahəsində əkdiyimiz buğda sahəsinə subsidiya verilmir, yuxarıda göstərilən adamlara verilir? Ona görə ki, o insanlar buğda, arpa əkmədikləri halda aldıqları subsidiyaların 50% -ni Alı Alıyevə verərək, qalan 50%-ni qənimət hesab edirlər”, – deyə fermerlər qeyd edir.
Müraciətdəki iddialarla bağlı adıçəkilən şəxslərin də mövqeyini dərc etməyə hazırıq.

XƏBƏR LENTİ