BakuNews.az müstəqil xəbər saytı olaraq bildiririk ki, daha əvvəl saytımızda və sosial şəbəkə hesablarımızda yayımlanmış materiallarda Səfərova Sevda Misir qızı ilə bağlı yer alan məlumatlar məhkəmə qərarına əsasən həqiqəti əks etdirmir.
Məhkəmə tərəfindən müəyyən edilmişdir ki, sözügedən paylaşımlarda iddia olunan hallar – Səfərova Sevda Misir qızının övladının sumkasına mənşəyi bilinməyən maddə yerləşdirməsi, hadisənin məktəb direktorunun otağında baş verməsi və digər iddialar sübuta yetirilməmiş, əsassız məlumatlar olmuşdur.
Eyni zamanda, həmin materiallarda yer alan hədələnmə ilə bağlı iddialar da həqiqəti əks etdirmir. Bu məlumatlar həm müəllif Aytəkin Bayramova, həm də BakuNews.az saytı tərəfindən rəsmi şəkildə təkzib olunur.
Bundan əlavə, qeyd olunan şəxsin peşə fəaliyyəti ilə bağlı yayılan məlumatların da reallığı əks etdirmədiyi müəyyən edilmişdir.
Məhkəmə qərarına uyğun olaraq bildiririk ki, yayımlanmış bu məlumatlar Səfərova Sevda Misir qızının şərəf və ləyaqətini alçaldan, işgüzar nüfuzuna xələl gətirən əsassız iddialardır.
Bu səbəbdən, həmin məlumatları rəsmi şəkildə təkzib edir və üzr istənilir.