Ulu Öndər Heydər Əliyevin mərc oyunlarına qoyduğu qadağalar "daxili bazara" xaricdən onlayn qaydada giriş edib. Məsələ Azərbaycanda şəbəkənin formalaşması və bu şəbəkəyə kimlərin rəhbərlik etməsidə deyil. RƏhbərlik edənlərə rəhbər olan şəxsin ifşa edilməsi tam olaraq millətin bəladan xilasına gətirib çıxaracaq addım olacaqdır. Beləki məsələ ilə bağlı illərdir bir çox media və dövlət qurumların çox saylı araşdırmaları şəbəkəni ifşa edə bilməyib. Günümüzdə eyni mərc oyunlarında olduğu kimi Narkotacirlərində şəbəkələr üzərindən Azərbaycan vətəndaşını zəhərləməsi prosedurlarına qarşı Daxili İşlər Nazirliyi və Dövlət Təhlükəsizlik Xidməti yüksək səviyyədə əməliyyatlar keçirir. Norkotacirlərin şəbəkələri müəyyən edilir və qurulmuş sistem tam çökərdilir. Bu gün narkotik qədər zərərli olan bir deyil minlərlə ailənin dağılmasına səbəb olan onlayn kazino oyunları tamamilə cəmiyyətdən təcrid edilməlidir. Odur ki media üzərindən dövlət qurumlarımıza yardım məqsədi ilə məsələyə obyektiv və qərəzsiz araşdırmalarla məlumat xarakterli yardımlarımızı əsirgəmirik.

Bildiyiniz kimi dünən insanların cibini talayan online qumar oyunları haqqında siz izləyicilərə məlumat vermişdik və araşdırmamızın davam etdiyini bildirmişdik. Bu gün isə yeni iddialar və faktlar yenidən gündəmimizi zəbt edib. Hər birimizə məlumdur ki bu tipli mərc saytlarını və kazino oyunlarını bəzi dırnaqarası "Blogger" lər müntəzəm olaraq müəyyən bir məbləğ qarşılığında reklam edirlər. Hətta onların bu tipli reklamlar üçün "DİN" in ərazi üzrə bölmələrinə dəvət olunaraq müəyyən cərimələrin tətbiq olunduğunu, bəzilərinin isə İnzibati Xətalar Məcəlləsinin müvafiq maddələrinə əsasən cəza aldıqları hər birimizə məlumdur. Lakin dövlət tərəfindən görülən tədbirlər bu insanları öz çirkin əməllərindən əl çəkməyinə bəs etmir. Fikrimizcə bu işlərə "Dövlət Reklam Agentliyi" nəzarətini gücləndirsə daha məqsədə uyğun olar. Bu gün əldə etdiyimiz məlumata görə Respublikada "1Xbet" , "Mostbet" , və bəzi kazino oyunları reklam etməkdən əlavə onların xaricdən gələn qara pullarını bu ölkədə paylayan "Blogger"lərdə mövcuddur. Onlar "Blogger" adını imaj olaraq istifadə edərək bu çirkin və qeyri qanuni əməllərini davam etdirirlər. Heç kimə sirr deyil ki, Ulu Öndər Heydər Əliyevin Hakimiyyəti dövründə ümummilikdə Azərbaycanda Mərc oyunları tamamilə qadağan edilmişdir. Cinayət Məcəlləsindədə bu qadağaya görə məsuliyyətdə təyin edilmişdir. Lakin bir şeyi unudurlar ki, Ölkənin qanunları bu kimi hallara yol vermir. Bəlkə də bilərəkdən və nəyəsə güvənərək "Ağanəzərəm belə gəzərəm" misalından cəsarətlənən biraz əlindəki pula güvənərək atıllan addımların sonun düşünməyənlər mövcudur. Lakin qəbul edilməlidir ki, Azərbaycan qanunlarına görə məsələ ilə bağlı CM-də sərt tədbirlər nəzərdə tutulub. Bu şəxs və şəxslərin adları bizə məlum olsada hələki qısa çaplı araşdırmamız davam edir və bundan sonrakı xəbərlərimizdə də məsələyə geniş yer veriləcək.

Hazırda bir çox qumar, kazino və mərc oyunlarının ölkəni cənginə aldığı hər birimizə məlumdur. İnsanları xüsusi vədlərlə və cəlb edici reklamlarla aldadan, beynini qarışdıran bu online qumar saytları bildiyimiz mədəni soyğunçuluq fəaliyyəti ilə məşğuldur. Bəs sizə heç maraqlı olubmudur ki, insanların cibini talayaraq, haram pulları, ölkə xaricinə çıxaran və qumarın təbliğatını bu ölkədə aparan şəxslər kimlərdir və onların bu işdə Maddi marağı nədir?.

Bu gün ki, mövzumuz Azərbaycan Respublikasının qanunlarını çeynəyərək bu ölkədə qumar və mərc saytlarının təbliğatını aparan dırnaqarası "Menecer" lər barəsində olacaq. Aldığımız məlumata görə, "Mostbet", "1Xbet" və bəzi online kazino oyunları xaricdən maliyyələşdirilsədə ölkəmizdə də bu oyunların yetərincə təbliğatını aparan və bəzi İnstagram və Telegram kanallarına reklamını verən şəxs və şəxslər mövcuddur. Xaricdə bu işlə məşğul olan şəxslər əsasən Azərbaycan xüsusi xidmət orqanlarının bu tipli işləri güclü nəzarət altında saxladığını bildiyi üçün ölkə xaricində rahat öz çirkin əməllərini yerinə yetirməkdədir. Lakin ölkə daxilində bu fəaliyyətlə məşğul olan şəxslər kimə və nəyə güvənərək insanların cibini talayır hələdə məlum deyil. Əldə etdiyimiz məlumata əsasən onlar Teleqram və Instagram hesablarına verdikləri reklam qarşılığında həmən səhifələrin Rəhbər şəxlərinə həftəlik və aylıq olaraq küllü miqdarda pul ödüyür. Bu məbləğin həftəlik 40-50 min bəzən isə daha çox olduğu bildirilir. Əsasən Online Pul qabı (hesab kartları və debit kartlar, "M10" və bir çox online bank xidmətləri) ilə ödəniş edən "Menecer"lər iz itirmək üçün fərqli nömrə üzərindən fəaliyyət göstərir. Bu iş və bu şəxslər nəzarətə götürülsə bir çox qanun pozuntusunun ortaya çıxacağı barəsində əminik.

Araşdırmamıza davam edir.