Son dövrlərdə Azərbaycanda onlayn qumar bazarında bir monopoliyanın formalaşdığına dair iddialar səngimək bilmir. Məlumata görə, bu monopoliya müəyyən dairələrin nəzarəti altında cəmləşib və onun əsas rəhbəri kimi Fərid adlı bir şəxsin adı hallanır. İddialara əsasən, Fərid bu sahədə əldə etdiyi milyonlarla qazancı lüks həyat tərzi ilə nümayiş etdirir.

Azərbaycanın ümummilli lideri Heydər Əliyev ölkədə qanunsuz qumar oyunlarının yayılmasının qarşısını almaq üçün ciddi qərarlar qəbul etmişdi. 1998-ci ildə qəbul edilən qərarla Azərbaycanda kazinoların və digər qumar oyunlarının fəaliyyəti qadağan edildi. Ulu Öndər çıxışlarının birində bu məsələyə toxunaraq bildirmişdi: "Azərbaycan xalqının rifahı, gələcəyimizin sağlam qurulması üçün qumar oyunları kimi zərərli vərdişlərə yer olmamalıdır. Biz dövlət olaraq vətəndaşlarımızı bu cür tələlərdən qorumağa borcluyuq."

Bu tarixi qərar nəticəsində ölkədə fəaliyyət göstərən kazinolar bağlandı, qumar biznesi ciddi nəzarətə götürüldü. Lakin bu gün onlayn məkanın geniş yayılması və texnologiyanın inkişafı ilə bəzi qüvvələr bu qadağalardan yan keçərək qeyri-qanuni qumar şəbəkələri qurmağa müvəffəq olub.

Azərbaycanda qumar oyunları qanunla qadağan olunsa da, onlayn məkan bu sahənin daha rahat və nəzarətsiz fəaliyyət göstərməsinə şərait yaradır. İnsanların asan yoldan pul qazanmaq arzusu və sürətli qazanc təklif edən platformalar qumar oyunlarının geniş yayılmasına səbəb olub. Dövlətin bu sahəyə kifayət qədər nəzarət etməməsi isə müəyyən qüvvələrə böyük maliyyə mənbələri yaratmaq fürsəti verib.

İddialara görə, onlayn qumar sahəsindəki monopoliyanı idarə edən Fərid adlı şəxs qazandığı milyonlarla sərvətini dəbdəbəli mülklərə və bahalı avtomobillərə yatırır. Bildirilir ki, onun Bakının prestijli yaşayış komplekslərindən biri olan Port Baku-da milyonlarla dəyərində mənzili və lüks markalara məxsus avtomobilləri var. Bu məlumatlar təsdiqini tapmasa da, onun gündəlik yaşam tərzi və sərvət göstəriciləri bu iddiaları gücləndirir. Fırid və Fərid kimilərin Azərbaycan əhalisini pis vərdişlərə yönəltməsi cəmiyyəti qanunsuz əməllərə sövq etmək niyyətidir. Bu niyyətin isə gələcəkdə iradəsinə yenilən cəmiyyətin formalaşması kimi bəlayla üz-üzə qalması deməkdir.

Mövcud qanunvericiliyə görə, Azərbaycanda qumar oyunları qadağan edilsə də, onlayn məkanın tam nəzarətə götürülməməsi böyük bir hüquqi boşluq yaradır. Ölkədə yalnız dövlət tərəfindən icazə verilmiş lotereya oyunlarına rəsmi qaydada icazə verilir. Ancaq qeyri-rəsmi onlayn qumar şəbəkələri geniş fəaliyyət göstərir və ciddi maliyyə axınına malikdir.

Heydər Əliyevin qəbul etdiyi sərt qərarların fonunda hazırkı vəziyyət hüquq-mühafizə orqanlarının daha fəal tədbirlər görməsinin vacibliyini göstərir. Ulu Öndərin qoyduğu prinsiplərə sadiq qalmaq üçün bu sahədə daha sərt nəzarət mexanizmlərinin işə salınması zəruridir.

Onlayn qumarın geniş yayılması və insanları maliyyə çətinliklərinə sürükləməsi cəmiyyət üçün böyük təhlükədir. Asan qazanc vəd edən bu platformalar nəticədə insanların maliyyə durumunu daha da çətinləşdirir və sosial problemlərin yaranmasına gətirib çıxarır. Əgər bu sahə qanunvericilik çərçivəsində nəzarət altına alınmazsa, vəziyyət daha da pisləşə bilər.

Azərbaycanın lideri Heydər Əliyev qumar oyunlarına qarşı sərt tədbirlər görmüş və ölkədə qanunsuz kazinoları bağlamışdı. Bugünkü onlayn qumar monopoliyası isə bu qadağaların yeni texnologiyalar fonunda yan keçildiyini göstərir. Dövləti və hüquq-mühafizə orqanlarını bu sahədə daha qətiyyətli addımlar atmağa vadar edən əsas məqam, qanunsuz qumarın qarşısını almaq və vətəndaşların hüquqlarını qorumaqdır. Əgər bu məsələyə ciddi yanaşılmasa, Azərbaycan qumar şəbəkələrinin təsir dairəsinə düşə bilər.