Goranboy rayonunda bıçaqlanma hadisəsi baş verib. Sosial şəbəkələrdə yayılan məlumatlara əsasən, insident zamanı hadisəni törədən şəxs Goranboy rayonu Dəliməmmədlidə yerləşən M.Zeynalov adına tam orta məktəbin direktoru Ceyhun Cahangirovun oğlu olub.
Məlumata görə, bıçaqlanan şəxs isə Goranboy Rayon İcra Hakimiyyətinin keçmiş müavini Elçin Cahangirovun qardaşıdır.
Hadisə təhsil ictimaiyyətində və yerli sakinlər arasında ciddi narahatlıq yaradıb. Goranboy rayonu üzrə Gəncə-Daşkəsən Regional Təhsil İdarəsinin tabeliyində olan təhsil müəssisəsində baş verən bu olayla bağlı aidiyyəti qurumların mövqeyi və hüquq-mühafizə orqanlarının araşdırmasının nəticələri hələlik ictimaiyyətə açıqlanmayıb.
Hadisənin motivləri və iştirak edən şəxslər barədə ətraflı məlumatın verilməsi gözlənilir. Məsələ ilə bağlı adiyyatı qurumlara sorğu verilib.