Xaçmazda Ulu Öndərin anım günü tədbirində masaların tərtibatı bir mənalı qarşılanmayıb FOTOLAR
Xaçmaz rayonunda Ulu Öndər Heydər Əliyevin anım günü ilə əlaqədar keçirilən ehsan tədbiri Xaçmaz rayon icra başçısının müavinini Bəxtiyar Osmanovun qardaşı Əşrəf Osmanova məxsus “Şahzadə” restoranında təşkil olunub. Məlumata görə, ehsan verilməsi təşəbbüsü Xaçmaz Rayon İcra Hakimiyyətinin başçısı Elnur Rzayev tərəfindən irəli sürülüb. Təbribin yüksək səviyyədə təşkili olunmasına şübhə belə edilmir. Sadəcə restoran və rəhbər şəxslər üçün kiçik olan lakin ictimaiət üçün böyük fərq olduğu iddia edilən süfrə tərtibatı narazılıqla qarşılanıb. Qeyd etməliyik ki, foto və video görüntülər məhs elə İcra Hakimiyyətinin rəsmi facebook səhifəsində yayımlanıbdır. Həmin yayımlanan fotolarda İcra hakimiyyətinin başçısının oturduğu masa ilə Şəhid ailələrinin masası arasında yaranan fərq cəmiyyətdə bir mənalı qarşılanmayıb.
Ulu Öndərin anım günündə ehsan verilməsi tədbirinin keçirilməsi mərasim iştirakçıları tərəfindən ümumilikdə müsbət qarşılanıb. Lakin tədbir zamanı bir nüans mərasimdən sonra edilən paylaşımlar izləyənlərin diqqətini cəlb edib.
Belə ki, tədbirdə iştirak edən şəhid ailələrinin və digər qonaqların əyləşdiyi masalarda sular plastik qablarda "Sirab" "Badamlı" təqdim edildiyi halda, icra hakimiyyətinin başçısı və vəzifəli şəxslərin əyləşdiyi masada "Slavyanka" sular şüşə qablarda servis olunub. Qonaqlar bu fərqi ayrı-seçkilik kimi qiymətləndirərək, Ulu Öndərin anım günü kimi mənəvi əhəmiyyət daşıyan bir tədbirdə belə fərqlərin yolverilməz olduğunu bildiriblər.
Qeyd edək ki, məsələ ilə bağlı Xaçmaz Rayon İcra Hakimiyyətindən hələlik rəsmi açıqlama verilməyib.
Əlaqə whatsapp:+994 70 402 02 85
BakuNews.az
