Mingəçevirdə “Narkomaniyaya yox deyək” mövzusunda tədbir keçirilib
Mingəçevir Şəhər Polis Şöbəsinin təşkilatçılığı ilə şəhər 3 saylı tam orta məktəbdə narkomaniyaya qarşı maarifləndirmə tədbiri keçirilib. Polis əməkdaşları, müəllimlər və şagirdlərin iştirakı ilə keçirilən tədbirdə zərərli vərdişlərin fəsadları barədə ətraflı məlumat verilib.
bakunews.az xəbər verir ki, Görüşdə çıxış edən şəhər polis şöbəsinin rəisi, polis polkovniki Ədalət Əliyev narkomaniyanın cəmiyyət üçün yaratdığı problemlərdən, insan sağlamlığına ziyanından danışıb. Ölkəmizdə “ağ ölüm”ə qarşı ciddi mübarizə aparıldığını, narkotik vasitələrin qanunsuz dövriyyəsi ilə məşğul olan şəxslərin müəyyən edilərək məsuliyyətə cəlb olunmaları istiqamətində hüquq-mühafizə orqanları tərəfindən uğurlu tədbirlərin həyata keçirildiyini diqqətə çatdırıb və gənclərə bu bəladan hər zaman uzaq durmalarını, təhsilə, idmana daha çox maraq göstərmələrini tövsiyə edib.
Sonda narkomaniyanın fəsadlarını özündə əks etdirən videoçarx nümayiş olunub və məktəbliləri maraqlandıran suallar ətrafında diskussiya aparılıb.
bakunews.az
Şikayət və təkliflər üçün qaynar xətt:
Əlaqə whatsapp:+994 70 402 02 85
BakuNews.az
Əlaqə whatsapp:+994 70 402 02 85
BakuNews.az
