Fizuli Əhmədov: Ömrünü Azərbaycan Respublikasının müstəqilliyinə həsr edən Ümumilli Lider H.Əliyevin şərəfli həyat yolundan danışıb - FOTO
Şirvan Şəhər Polis Şöbəsində Ulu Öndər Heydər Əliyevin anadan olmasının 100-cü ildönümünə həsr olunan tədbir keçirilib.
Polis şöbəsinin inzibati binasında keçirilən tədbirdə əvvəlcə Ümummilli Liderin və Vətən torpaqlarımızın azadlığı uğrunda canlarından keçən şəhidlərimizin əziz xatirələrini bir dəqiqəlik sükutla yad edilib.
Tədbirdə çıxış edən şöbə rəisi, polis polkovniki Fizuli Əhmədov ömrünü Azərbaycan Respublikasının müstəqilliyinə həsr edən Ümumilli Lider H.Əliyevin şərəfli həyat yolundan danışıb. O, bildirib ki, ölkəmizin dar günündə millətimizin harayına səs verən H.Əliyev bütün çətinliklərə sinə gərərək, dövlətimizin dirçəlməsinə nail oldu. Bunun nəticəsində qısa bir zaman ərzində artıq Azərbaycan ən öndə gedən ölkələr arasında öz yerini tutaraq, beynəlxalq layihələrin əksəriyyətində fəal iştirak etdi.
Daha sonra çıxış edən digər iştirakçılar Ulu Öndərin Azərbaycan dövləti və xalqı qarşısındakı tarixi xidmətlərindən danışaraq, müstəqil dövlətimizin inkişafının onun adı ilə bağlı olduğunu bildiriblər və Ümumilli Liderin böyük xilaskarlıq missiyasından danışıblar.
Tədbirdə Ulu Öndər H.Əliyevin həyat və fəaliyyətindən bəhs edən film nümayiş olunub.
Şikayət və təkliflər üçün qaynar xətt:
Əlaqə whatsapp:+994 70 402 02 85
BakuNews.az
Əlaqə whatsapp:+994 70 402 02 85
BakuNews.az
