“Məlhəm” Hospitalda keçmiş sevgililər arasında xuliqanlıqla nəticələnən hadisə baş verib. Qadın keçmiş həkim sevgilisindən sinə əməliyyatına görə verdiyi 5 min manat pulu tələb edib.
Hadisə 2023-cü il 14 avqust tarixində günorta saatlarında Nizami rayonu ərazisində yerləşən “Məlhəm” Hospitalında qeydə alınıb. Belə ki, Səidə adlı qadın əvvəllər qeyri-rəsmi yaşadığı həkim plastik-cərrah Elçin Zodanovun yanına gələrək ondan 2022-ci ildə Səbail Rayonu ərazisində yerləşən “Badam” Klinikasında işlədiyi zaman “Süd vəzinin böyütmə amoplastikası” cərrahiyyə əməliyyatı üçün xəzinəyə ödədiyi 5 min manat pulu tələb edib. Xatırladaq ki, qadın Elçinə sinə əməliyyatı elətdirdikdən sonra mütəmadi olaraq sarğıları dəyişmək üçün onun yanına gəlib-gedib. 2022-ci ilin sentyabr ayından Elçinlə Səidə arasında sevgi münasibətləri yaranıb və onlar ər-arvad kimi 2023-cü ilin may ayına kimi bir yerdə yaşamağa başlayıblar. Sonra qadın Elçindən ayrılmaq qərarına gəlib.
2023-cü ilin 14 avqust ayında isə Səidə Elçin Zodanovun işlədiyi “Məlhəm” Hospitala gələrək onun otağında hospitalın içşilərinin yanında müəyyən xuliqanlıq hərəkətləri edib və hətta Elçin Zodanova 2 sillədə vurub. Faktla bağlı Nizami Rayon Polis İdarəsində Cinayət Məcəlləsinin 128-ci maddəsi ilə cinayət işi başlanıb və Səidə adlı qadın təqsirləndirilən şəxs qismində cəlb olunaraq barəsində polsin nəzarəti altına vermə qətimkan tədbiri seçilib. Məhkəmə tibbi ekspertizasının rəyindən sonra 128-ci maddə Cinayət Məcəlləsinin 221.3-cü (Xuliqanlıq) maddəsinə tövsif edilib. Nizami Rayon Məhkəməsinin hakimi Mətanət Hacıyevanın sədrliyi ilə keçirilən məhkəmə prosesində Səidə adlı qadının zərərçəkmişlə barışığını, himayəsində 2 azyaşlı övladının olmasını nəzərə alaraq məhkəmə ona Cinayət Məcəlləsinin 221.3-cü maddəsi ilə 2 (iki) il müddətinə azadlıqdan məhrum etmə cəzası təyin edib. Təqsirləndirilən şəxsə təyin edilmiş azadlıqdan məhrum etmə cəzası Azərbaycan Respublikası Cinayət Məcəlləsinin 70-ci maddəsinə əsasən şərti olaraq tətbiq edilməklə barəsində 01 (bir) il 06 (altı) ay sınaq müddəti müəyyən edilib.
Xatırladaq ki, 2018-ci ildə həkim Elçin Zodanov “Stimul” Hospitalda plastik-cərrah işlədiyi zaman Yeganə Quliyeva adlı qadın əməliyyat başa çatmamış dünyasını dəyişmişdir.
Artıq neçə illərdir ki, Elçin Zodanov müxtəlif estetik əməliyyatlar həyata keçirir və ayrı-ayrı klinikalarla əməkdaşlıq edir. Hətta Yotubda onun sinə kiçiltməsi əməliyyatından kadrlar var.
Şikayət və təkliflər üçün qaynar xətt:
Əlaqə whatsapp:+994 70 402 02 85
BakuNews.az