Naxçıvan Muxtar Respublikası Əmək və Əhalinin Sosial Müdafiə Nazirliyinin nəzdində fəaliyyət göstərən Dövlət Sosial Müdafiə Fondunun yerli əhalinin pensiyasını ödəməsi ilə bağlı mediaya verdiyi məlumat yalan çıxdı. Lakin bu yalanı ifşa etdiyimiz halda DSMF tərəfindən əhalidən üzr istənilməməsi bir yana mediada gedən yazılara düzəliş verilməsidə tələbi edilmədiyidə açıq görünən faktdır. Bir çox nəhəng media resurslarına ötürülən məlumat əslində yalan idi. Naxçıvan əhalisi bu günə qədər ayın 15 tarixinə qədər pensiyaların ödənilməsi prosesinə şahid olmayıblar. DSMF isə bu halın olmadığını yaxşı bildiyi halda həm cəmiyyəti həmdə yuxarı instansiyaları yalan məlumatla gizli məqsədindən yayındırıb. Əhalinin narazılığına baxmayaraq DSMF heç zaman pensiyaların vaxtında ödənməsini təmin etmir. Lakin Yuxarı dairələrə hesabat formasında ödənişin edilməsini bildirməyin qısa yolu olaraq Media resurslarından suni istifadəyə əl ataraq pensiyaların ödənildiyi xəbərini yayır. Yayılan xəbərin yalan olmasını Naxçıvanda yaşayan qeydiyyatda olan pensiyaçılarla dəqiqləşdirmək o qədərdə çətin deyil.

Naxçıvan Muxtar Respublikasının DSMF hələdə məlumatı yanlış verməsini etiraf etməyib. DSMF niyə bu yalanı danışır deyə sual yaranır. Qeyd etməliyik ki, bir dönəm Naxçıvanda pulların xarici banklara yatırılaraq bir neçə müddətlik faizlə gəlir əldə edilməsi kimi xəbərlərdə yayılmışdı. Bu isə sıradan əməkdaşların edə biləcəyi məsələ deyildir. DSMF iddia edə bilər ki, biz banklara vəsaitin köcürülməsini etmişik lakin yubanma səbəbinin onlarda deyil bankda olması kimi deyimlər özünü sudan quru çıxarmaqdan başqa addım hesab edilə bilməz. Hər birimiz banklardan və bank hesablarından istifadə edirik. Hesablara vəsait qoyulduğu dəqiqə sistemdə hər bir şəxsin hesabında həmin məbləğlər dərhal əks olunur. Bu tip açılama ediləcəyi təqdirdə növbəti yalanın danışılması və məsələ ilə bağlı vaxt udmaq niyyəti meydana çıxacaqdır.

Məsələ ilə bağlı hələdə Naxçıvan Dövlət Sosial Müdafiə Fondundan açıqlama gözləyirik lakin açıqlama vermək kimi özlərini borclu bilməyən qurum yalanı yuxarı təbəqələrin qəbul etməsindən rahat düşüblər.

Bu məsələ ilə bağlı geniş araşdırmamızı aparmaq və hər ay DSMF-nin yalanlarını ifşa etməkdə davam edəcəyik.