Obyekti yaşayış evlərindən 10-15 metr məsafə ayırır. Üstündən keçən elektrik xətti isə nə az-nə çox, 110000 kilovltluqdur(?)

Bakı-Sumqayıt yolunun Saray qəsəbəsi ərzindən keçən hissəsində- “Azpetrol” Yanacaqdoldurma məntəqəsindən sonra-heç də kiçik olmayan obyekt inşa edilir. Yaxınlıqda yaşayan qəsəbə sakinlərinin Yenixeber.org-a verdiyi məlumata görə, obyektin tikintisi yaratdığı narahatlıqlarla bərabər, həm də məlum tikinti norma və qaydalarına uyğun deyil...Yaşayış massivində yerləşməklə bərabər, yüksəkgərginlikli elektrik xəttinin altında yerləşir. Ki, bu da, real təhlükə mənbəyi deməkdir.

Məlumatla bağlı əməkdaşımız sözügedən ünvanda olub...Məlum olub ki, inşa edliən obyekt parket istehsalı üçün nəzərdə tutulan fabrik olacaq. (Xeyrili-uğurlu olsun Red.)

Həm də, o məlum olub ki, həqiqətən də, obyekti yaşayış evlərindən 10-15 metr məsafə ayırır. Üstündən keçən elektrik xətti isə nə az-nə çox, 110000 kilovltluqdur(?)

Bunun isə nə demək olduğunun geniş izaha ehtiyacı yoxdur...

Maraqlıdır, kimsə bir quşdamı tikəndə dəxilli-dəxilsiz “N” sayda qurumdan “qoltuğupapqalılar” peyda olur...Bəs belə isə nə əcəb, bu fabrikin tikintisi “gözəgörünməz” olub?!

Biz Yenixeber.org olaraq bu məsələ ilə bağlı həm “Azərenerji” ASC-nin idarə heyətinin sədri cənab Balababa Rzayevə, həm də Abşeron Rayon İcra hakimiyyətinin başçısı cənab Abidin Fərzəliyevə rəsmi sorğu ünvanlamışıq. (Video və fotolarla)

Təəssüf ki, hələ də sorğumuza cavab yoxdur(?)

Ümid edək ki, gec də olsa, sorğumuza cavab alıb, geniş yazı hazırlaya biləcəyik. (Yenixeber.org)