Ukrayna Britaniya raketləri ilə Rusiyada neft emalı zavoduna zərbə endirib, partlayışlar baş verib
Ukrayna ordusu Rusiyanın Rostov vilayətindəki Novoşaxtinsk neft emalı zavoduna zərbə endirib.
Bu barədə Ukrayna Silahlı Qüvvələrinin Baş Qərargahı “Telegram” kanalında məlumat yayıb.
Məlumata görə, zərbə üçün “Storm Shadow” qanadlı raketlərindən istifadə olunub.
“Dekabrın 25-də Ukrayna Hərbi Hava Qüvvələrinin bölmələri hava bazalı “Storm Shadow” qanadlı raketləri ilə Rusiyanın Rostov vilayətindəki Novoşaxtinsk neft məhsulları zavoduna uğurlu zərbə endiriblər”, – məlumatda deyilir.
Qeyd olunur ki, zavod ərazisində çoxsaylı partlayışlar qeydə alınıb, hədəf uğurla vurulub.
Baş Qərargahdan o da bildirilib ki, Novoşaxtinsk zavodu Rusiyanın cənub bölgəsində ən iri neft məhsulları tədarükçülərindən biridir. Zavod həmçinin Ukraynada olan Rusiya ordusunun bölmələrini birbaşa neft məhsulları, xüsusilə dizel və aviasiya yanacağı ilə təmin edir.
Əlaqə whatsapp:+994 70 402 02 85
BakuNews.az
