Yasamal rayonunda yaşıllıqların məhv edilməsi, səkilərin, boş ərazilərin, hətta dayanacaqların arxa və yan hissələrinin zəbt edilərək onyektlər tərəfindən zəbt edilməsi davam edir.

Belə obyektlərdən biri də rayonun “20 Yanvar” metro stansiyasının yaxınlığında bir gecədə inşa edilib. Sözügedən yer əvvəllər böyük və uzun səki olub. zaman-zaman zəbt edilən ərazidə indi çox az boş hissə qalıb. Boş qalan o yerlərdən biri də bu yaxınlarda zəbt edilib və yerində bir gecədə dəmir konstruksiyadan qanunsuz obyekt inşa edilib.
Bu barədə saytımıza məlumat verən sakinlər bildirib ki, obyektin inşa edildiyi yer avtobus dayanacağının arxasıdı və orada əvvəllər çox sayta böyük ağaclar olub. Lakin obyektin tikintisinə görə, o ağaclar da gecə ilə kəsilərək daşınıb.
Bir gecədə inşa edilən obyektin içi artıq istifadəyə uyğun formada təmir edilib. Ancaq maraqlıdır ki, yaxın günlərdə artıq açılışı da olacaq obyekt barədə Yasamal rayon İcra Hakimiyyətinin hələ də məlumatı yoxdur.
Görünür, Dövlət Şəhərsalma və Arxitektura Komitəsi də bu obyektdən “məlumatsızdır”.
Diqqət çəkən bir ərazidə ağaclar məhv edilir, səki zəbt olunur, şəhərsalma normaları kobud şəkildə pozulur, ancaq aidiyyəti qurumlar susur.
Məsələ ilə bağlı yuxarıda adını çəkdiyimiz qurumların mövqeyini öyrənmək üçün cəhd etdik. Lakin nə Yasamal İH-dən, nə də Komitədən zənglərimizə cavab verən olmadı.(Tribuna.az)
Hər iki qurumunun mövzu ilə bağlı mövqeyini işıqlandırmağa hazırıq.

Mövzu ilə bağlı Yasamal İcra Hakimiyyəti amıqlamanı rəsmi portala deyil sosial şəbəkədə rəy bölümünə vermişdir. Açıqlamada deyilir, Video çarxda göstərilən obyekt 1994-cü ildə Qarabağ qazilərinə verilmişdir. Müzəffər Həsənov küçəsində aparılan abadlıq-tikinti işləri çərçivəsində yararsız vəziyyətə düşmüş obyektlər mövcud ölçülərdən kənara çıxılmamaq və yaşıllıqlara toxunulmamaq şərti ilə müasir üslubda yenidən qurulur.