21 yanvar 2026-cı il tarixində keçirilən Bakı 23 saylı mediasiya təşkilatının ictimai təqdimatında Mediasiya Şurası İdarə Heyətinin sədri Nadir Adilov, Milli Majlis'in deputatı Məlahət İbrahimqızı, 62 saylı məktəb-liseyin direktoru Cabbarlı Mətanət, Bakı 23 saylı mediasiya təşkilatının direktoru Həsən Sadıqov, təsisçi Esmira Rzayeva, Arbitrium vəkil burosunun direktoru Polad Mehdi, Bakı 9 Saylı Mediasiya Təşkilatının direktoru Leyla Nəsibova, Bakı 21 saylı Mediasiya Təşkilatının direktoru Zaur Mirzəbəyov, Bakı 24 saylı mediasiya təşkilatının direktoru Ülkər Zülfüqarova, Bakı 25 saylı Mediasiya Təşkilatının direktoru Aqil Əsgərov, Quba 1 saylı MT-nın direktoru Hümmət Əliyev, vəkillər Kamran Məmmədov, Kamilə Raxtari, İlqar Abbasov, Əkbər Yusifoğlu, mediatorlar Elçin Quliyev, Fərhad Mehdiyev və jurnalist Nüranə Gülər iştirak edib.

Mediasiya Şurası İdarə Heyətinin sədri Nadir Adilov çıxışı zamanı mediasiyanın inkişaf yolundan, mediasiya təşkilatlarının vətəndaş məmnunluğunun təmin edilməsindəki rolundan söz açıb və iştirakçıların diqqətinə 2025-ci ilin yekun nəticələrini nəzərə çatdırıb.

Milli Məclisin deputatı Məlahət İbrahimqızı cənab Prezident İlham Əliyev tərəfindən qəbul edilən "Mediasiya haqqında" Azərbaycan Respublikası Qanunundan irəli gələn vətəndaşlarla kommunikasiyanın icrası sahəsində deputatlar və Mediasiya Şurası arasında işlərin qurulmasını yüksək qiymətləndirdiyini qeyd edib. Eyni zamanda yeni fəaliyyətə başlayan Bakı 23 saylı mediasiya təşkilatının işinə uğurlar arzu edib.

Sonda Bakı 23 saylı mediasiya təşkilatının təsisçisi Esmira Rzayeva qonaqları təşkilatın ofis şəraiti və iş rejimi ilə tanış edib.