Xəzər dənizinin Neftçala rayon ərazisində olan sahili baxımsız vəziyyətdə qalıb. Kürün dənizə qovuşduğu ərazilər tullantıların atıldığı yerə çevrilib. Halbukı buralar bir vaxtlar çimərlik olub.

bakunews.az xezerxeber-ə istinadən xəbər verir ki, heyvan qalıqları ,tullanmış əşyalar - bura Xəzər dənizinin Neftçala rayon ərazisindəki sahilidir.

Bəlkə də gənc neftçalalıların çoxu bilmir ki, Xəzər dənizinin sözügedən sahilləri vaxtilə çoxlarının sevimli istirahət mərkəzi olub. Bu istirahət mərkəzində böyüklərlə yanaşı kiçiklər üçün də istirahət etmək üçün gözəl məkanlar fəaliyyət göstərib. Söhbət Yeniqışlaq ərazi vahidliyindən gedir. İndi isə burada tam bir baxımsızlıq hökm sürür.


Sakinlər deyir ki, əvvəllər istirahər etmək üçün başqa məkanlara üz tutmağa ehtiyac yox idi. İndi isə ərazidə mal cəsədinə, balıqçı toruna, necə deyərlər- çeşid-çeşid məişət tullantılarına rast gəlmək mümkündür.

Ekologiya və Təbii Sərvətlər Nazirliyindən bildirilib ki, tullantıların idarə olunması yerli icra hakimiyyəti orqanları və özünüidarəetmə tərəfindən həyata keçirilir. Yeniqışlaq kənd bələdiyyəsindən isə deyiblər ki, mövcud probləmdən xəbərdardırlar. İnzibati ərazidə mütəmadi olaraq təmizlik işləri görülür. Yaxın günlərdə sözügedən ərazi yenidən məişət tullantılarından tamamilə təmizlənəcək.

bakunews.az