Bu gün Baş Prokurorluğun yaydığı məlumatda "Tərtər işi" ilə bağlı həbs edilənlər arasında Rahib Ramazan oğlu Məmmədovun da adı var.


bakunews.az qafqazinfo-ya istinadən xəbər verir ki, şair kimi də tanınan Rahib Məmmədov (Rahib Bəşər) 1987-ci ildə Bakı şəhərində anadan olub. Odlar Yurdu Universitetində beynəlxalq hüquq ixtisası üzrə ali təhsil alan Rahib Bəşər ədliyyə mayoru rütbəsində, hərbi hüquqşünas kimi cəbhə zonasında dislokasiya edilmiş hərbi hissədə xidmət edib. O, hərbi hissə komandirinin hüquq işləri üzrə köməkçisi olub.

Bildirilir ki, Rahib Bəşər imzası ilə tanınan şəxs 8 kitabın müəllifidir. O, Azərbaycan Yazıçılar Birliyinin üzvü, "Qızıl Qələm" mükafatı və "Azərbaycan Bayrağı" ordeninin laureatıdır.

Rahib Bəşərin "Azərbaycan" şeirini təqdim edirik:

Mən dözərəm hər həsrətə,

Sənsiz dözməm Azərbaycan!

Səndən bir an ayrı qalsam,

İnan, ölləm, Azərbaycan!

Mən ruhumu səndən aldım,

Torpağından mayalandım,

Saf suyundan durulandım,

Alovunla alovlandım, Azərbaycan!?

Damarımda öz qanın var,

Varlığında varlığım var,

Ürəyimdə döyüntüm var,

Nəfəsimdə nəfəsin var,

Səsimdə sənin səsin var,
Ətraflı

Ruhumda sən, canımda sən,

Varlığım da sən yaşadın, Azərbaycan!

Uşaqlığım səndə keçdi,

Qucağında iməklədim.

Cavanlığım səndə keçdi,

Üzərində mən yeridim.

Qocalığım sənlə keçər,

Torpağında yaşlanaram.

Mən səninlə yaşayaram,

Mən səninlə var olaram, Azərbaycan!

Sən mənim öz keçmişimsən, bu günümsən,

Gələcəyim sənlə bağlı, gələcəyə ümidimsən.

Sən özümsən, sən mənimsən,

Sən əbədi saf sevgimsən.

Ürəyimdə yaşayırsan, Azərbaycan!

Yaşa, yaşa, var ol hər an, Azərbaycan!

bakunews.az

Məqaləyə dair fotomateriallar: