İsrail 2025-ci ilin mayında İranın nüvə obyektlərinə zərbə endirməyi planlaşdırırsa da, ABŞ Prezidenti Donald Tramp belə bir addımı dəstəkləmədiyi üçün bundan imtina edib.

Bu barədə “The New York Times” qəzeti mənbələrə istinadən məlumat yayıb.

Onların məlumatına görə, İsrail ABŞ-nin hücumun hazırlanmasında fəal iştirak edəcəyinə və yəhudi dövlətini İranın mümkün cavab zərbəsindən qoruyacağına əmin idi. Hücum vasitəsilə Tehranın nüvə silahı hazırlamaq səylərini ən azı bir il iflic etmək nəzərdə tutulurdu.

Lakin nəşrdə qeyd olunduğu kimi, Tramp İranla fikir ayrılıqlarının diplomatik həlli kursunu seçib və aprel ayının əvvəlində İsrailə ABŞ-nin islam respublikasına qarşı hərbi əməliyyatın keçirilməsini dəstəkləməyəcəyi barədə məlumat verib. Amerika lideri bu məsələni Vaşinqtonda İsrail Baş naziri Binyamin Netanyahu ilə görüşündə qaldırmışdı.