İran Milli Təhlükəsizlik Şurasının sədri Əli Laricani dünən gecə Tehranda Rusiya Baş nazirinin müavini Vitali Savyevlə danışıqlar aparıb.

Görüş zamanı tərəflər Şimal-Cənub Dəhlizini regionun geosiyasətində həlledici element kimi müzakirə ediblər.

Laricani İranın dəhlizlə davam etmək qərarına gəldiyini vurğulayıb və bütün inzibati və institusional maneələrin qısa müddətdə aradan qaldırılacağını və Şimal-Cənub Dəhlizini hüquqi və praktik olaraq möhkəmləndirmək üçün lazımi razılaşmaların həyata keçiriləcəyini bildirib.

İran Prezidentinin verdiyi öhdəliyə toxunan Laricani əlavə edib: "Prezidentin yaxından nəzarəti ilə dəhliz marşrutu boyunca bütün torpaqlar ilin sonuna qədər dövlət mülkiyyətinə veriləcək və beləliklə, layihənin fasiləsiz və tam ahəngdar irəliləməsi təmin ediləcək".

Rusiya Baş nazirinin müavini Savyev də İranın qətiyyətli yanaşmasından məmnunluğunu ifadə edərək, Moskvanın layihəni sürətləndirməyə və icra prosesinə başlamağa hazır olduğunu bildirib.

Görüşün sonunda tərəflər Şimal-Cənub Dəhlizinin İran və Rusiyanın davamlı əməkdaşlığı gücləndirmək və regional əlaqələr üçün müstəqil marşrutlar müəyyən etmək üzrə birgə strategiyasının bir hissəsi olduğunu vurğulayıblar.

Bu kontekstdə onlar yüksək səviyyəli monitorinq mexanizmlərini aktivləşdirmək və iki ölkənin müvafiq qurumları arasında müntəzəm koordinasiyanı saxlamaq barədə razılığa gəliblər.