Cənubi Uelsdə sağalmaz xəstə gəlin öz toy günü, nikah qeydə alındıqdan bir neçə saat sonra ölüb.

bakunews.az milli.az-a istinadən bildirir ki, bu barədə Daily Mirror məlumat yayıb.

61 yaşlı Helen və 60 yaşlı David Felvus evlənmək qərarına gələnə qədər 44 il birlikdə yaşayıblar. Qırx il ərzində cütlüyün iki övladı olub: böyük oğlu Gevin 43, kiçik qızı Robinin isə 37 yaşı var.

İyul ayında sevgililər Tenerifeyə tətilə gediblər. Səyahət zamanı Helen qəfildən sağ tərəfində şiddətli ağrılar hiss edib, lakin o, bunu böyrək xəstəliyi ilə əlaqələndirib və qayıtdıqdan sonra həkimə müraciət etmək qərarına gəlib.


Britaniyalı qayıdan kimi qızı onu dərhal klinikaya aparıb. Həkim məyusedici diaqnozu bildirdikdə ana və qızı şoka düşüb - Helenin qaraciyər və bağırsaq xərçəngi olduğu ortaya çıxıb. "Biz bir müalicə planının hazırlanacağını düşündük, lakin xəstəxana dedi ki, anam çox xəstədir və onların edə biləcəyi yeganə şey ağrıları aradan qaldırmaqdır", - Robin deyib.

Xərçəng xəstəliyini öyrəndikdən sonra Helen və David evlənməyə qərar veriblər. Mərasim evdə ailə və dostları ilə keçirilib. Helen "Razıyam" dedikdən bir neçə saat sonra ölüb.

"O, super qadın, mənim ən yaxşı dostum idi və indi o, cənnətdəki mələyimdir", - mərhumun qızı deyib.

bakunews.az