Rusiyada Çuvaşiyanın Batırevski rayonunun Turunovo kəndinin sərxoş sakini öz anasını kürəklə döyərək öldürüb.

bakunews.az milli.az-a istinadən bildirir ki, bu barədə Rusiya İstintaq Komitəsinin regional istintaq idarəsinin saytında məlumat verilib.

İstintaqın məlumatına görə, 52 yaşlı kişi kürəklə təqaüdçünün başına azı 10 zərbə endirib. Aldığı xəsarətlərdən yaşlı rus qadın yerindəcə dünyasını dəyişib.

Faktla bağlı Çuvaşiya sakini barəsində Rusiya Cinayət Məcəlləsinin 105-ci maddəsi ("Qətl") ilə iş başlanıb. Həmin şəxs artıq həbs edilib.

"Müstəntiqin vəsatəti əsasında məhkəmə onun barəsində həbs qətimkan tədbiri seçib. Cinayət işinin istintaqı davam etdirilir", - İstintaq Komitəsinin regional şöbəsindən bildirilib.

bakunews.az