Bu gün Gəncə Ağır Cinayətlər Məhkəməsində Tovuz rayonunda 10 yaşlı Nərmin Quliyevanı qətlə yetirməkdə təqsirləndirilən İlkin Süleymanovun cinayət işi üzrə keçirilməsi nəzərdə tutulan məhkəmə prosesi növbəti dəfə təxirə salınıb.

bakunews.az-nun report-a istinadən məlumatına görə hakim Dadaş İmanovun sədrliyi ilə keçirilməsi nəzərdə tutulan məhkəməyə mərhum Nərmin Quliyevanın atası Şərif Quliyevin bəzi səbəblərdən gələ bilmədiyi üçün təxirə salınıb.

Növbəti məhkəmə iyulun 27-də keçiriləcək.

Qeyd edək ki, ötən həftə də məhkəmə prosesi təxirə salınıb.

Xatırladaq ki, Tovuz rayonunun Dondar Quşçu kənd sakini N.Quliyeva 2019-cu il noyabrın 21-də itkin düşüb, onun meyiti 2020-ci il yanvarın 6-da yandırılmış halda tapılıb. 2020-ci il yanvarın 10-da isə hadisəni törətməkdə şübhəli bilinən Dondar Quşçu kənd sakini, 1973-cü il təvəllüdlü İ.Süleymanov saxlanılaraq istintaqa cəlb edilib.

Ona Cinayət Məcəlləsinin 120.2.4 (xüsusi amansızlıqla qəsdən adam öldürmə), 120.2.9 (təqsirkar şəxs üçün aşkar surətdə köməksiz vəziyyətdə olan adamı qəsdən öldürmə), 144.3 (adam oğurluğu) və başqa maddələrində nəzərdə tutulan ittiham elan olunub.

bakunews.az