Narkotik təsiri altında sükan arxasında sürücü saxlanıldı: BDYPİ sürücülərə xəbərdarlıq edir
BNTV.az-a verilən məlumata görə, Baş Dövlət Yol Polisi İdarəsinin əməkdaşları tərəfindən növbəti təhlükəli sürücülük halı aşkarlanıb.
Belə ki, Neftçala rayon sakini İsmayıl Hüseynov “BMW” markalı avtomobillə Ələt–Astara avtomagistralında hərəkətdə olarkən YPX Alayının stasionar postunda saxlanılıb. Sənədlərin yoxlanılması zamanı sürücünün davranışları şübhə doğurduğundan o, tibbi müayinəyə cəlb olunub.
Müayinə nəticəsində İ.Hüseynovun narkotik vasitənin təsiri altında olduğu müəyyən edilib. Faktla bağlı onun barəsində qanunvericiliyin tələblərinə uyğun olaraq müvafiq tədbirlər görülüb.
BDYPİ-dən BNTV.az-a bildirilib ki, narkotik vasitələrin təsiri altında nəqliyyat vasitəsini idarə edən şəxslərə qarşı mübarizə qətiyyətlə davam etdirilir. Qurum bir daha sürücülərə müraciət edərək bu cür qanunazidd hərəkətlərdən çəkinməyə çağırır və xəbərdarlıq edir ki, insanların həyatını təhlükəyə atan hallara qarşı ən sərt tədbirlər bundan sonra da davam etdiriləcək.
Əlaqə whatsapp:+994 70 402 02 85
BakuNews.az
