Dünya bazarında neft “OPEC+”un 8 ölkəsinin görüşündən sonra ucuzlaşır.

Bunu ticarət məlumatları sübut edir.

Bununla yanaşı, görüşdə avqust ayında neft hasilatının maksimum səviyyəsinin artırılması barədə qərar qəbul edilib.

Londonun “ICE Futures” birjasında “Brent” markalı neftin sentyabr fyuçerslərinin qiyməti 0,44 % azalaraq 1 barel üçün 68 ABŞ dolları, WTI markalı neftin avqust fyuçerslərinin qiyməti isə 0,36 % azalaraq 66,26 ABŞ dolları təşkil edib.

“OPEC+”un 8 ölkəsi - Rusiya, Səudiyyə Ərəbistanı, İraq, Birləşmiş Ərəb Əmirlikləri, Küveyt, Qazaxıstan, Əlcəzair və Oman avqust ayında neft hasilatının maksimum səviyyəsini gündəlik 548 min barel artıracaqlar.