Elman Paşayev – “Elman Qrup” hüquq şirkətinin rəhbəri – dələduzluq və rüşvət almaqda şübhəli bilinərək Rusiya Federasiyasının paytaxtı Moskva şəhərində hüquq-mühafizə orqanları tərəfindən saxlanılıb.

Analojı faktla bağlı Azərbaycan Respublikasında fəaliyyət göstərən “Kamandar Qrup və onun partnyorları” hüquq şirkətinin rəhbəri, Vəkillər Kollegiyasının üzvü Kamandar Nəsibov barəsində də Azərbaycan Respublikasının Baş Prokurorluğuna şikayət daxil olub.

Şikayət ərizəsində bildirilir ki, Kamandar Nəsibov hüquqlarını müdafiə etdiyi şəxsdən 63,500 AZN məbləğində pul alaraq, onu həbsdən azad edəcəyinə dair vəd verib. Lakin həmin şəxs son nəticədə Cinayət Məcəlləsinin 221.3-cü maddəsi ilə ittiham olunaraq 2 il 6 ay müddətinə azadlıqdan məhrum edilib. Qeyd olunan maddə üzrə 2 ildən 5 ilə qədər cəza nəzərdə tutulur.


Eyni zamanda, “Kamandar Qrup” hüquq şirkətinin digər vəkili Rzayev Babək barəsində də sosial şəbəkələrdə dələduzluq və rüşvət alma şübhəsi ilə Naxçıvan Muxtar Respublikasının hüquq-mühafizə orqanları tərəfindən saxlanıldığı barədə məlumatlar yayılıb.

Naxçıvanda hakim bir zənglə yalanın üstünü açdı: Həbs edilən vəkilin işi - ŞOK TƏFƏRRÜAT

Qarşı tərəfin mövqeyini dərc etməyə hazırıq. Kamandar Nəsibov və Rzayev Babək tərəfdən məsələ ilə bağlı münasibət bildiriləcəyi təqdirdə, həmin açıqlama da təqdim olunacaq.