Tərəfimizdən dərc edilmiş lakin dəqiqləşdirmə aparıldıqdan sonra məlumatların yanlışlığı nəzərə alınaraq dərc edilən məqalənin silinməsi təmin edilmişdir. Son günlər sosial şəbəkələrdə və bəzi xəbər portallarında bizə aid olan kadrları dərc edilməsi “Dr. Elnarə” adı ilə fəaliyyət göstərən kosmetoloq haqqında müxtəlif iddialar yayılmışdı. Onun tibbi təhsilinin olmaması, “təbii dolğu” anlayışının elmi əsası olmadan reklam edilməsi və vətəndaşların sağlamlığını riskə atması ilə bağlı yayılan məlumatlar cəmiyyətdə ciddi müzakirələrə səbəb olmuşdu.

Araşdırmanın nəticələri isə fərqli mənzərəni ortaya qoydu.

Bakunews.az redaksiyasının apardığı dəqiqləşdirmə və aidiyyəti qurumlarla əlaqə nəticəsində məlum olub ki, “Dr. Elnarə” kimi tanınan Elnarə Canlı peşəkar fəaliyyət göstərən həkim-kosmetoloqdur. O, Türkiyədə təhsil alıb, həmçinin bir il müddətində təcrübəli həkimin yanında praktika keçib.

Bundan əlavə, Azərbaycan Respublikasının Səhiyyə Nazirliyi tərəfindən istifadə etdiyi preparatların uyğunluq sertifikatı təsdiqlənib. Aparılan araşdırmada onun fəaliyyətində qanunsuzluğa yol verilməsi halları aşkarlanmayıb.

Yayılan yanlış məlumatlara təkzib

Bu səbəbdən redaksiyamız bildirir ki, daha əvvəl yayılan məlumatlar dəqiq faktlara söykənmədiyindən təkzib edilir.

Elnarə Canlının fəaliyyəti ilə bağlı yanlış anlaşılmaların yaranması sosial şəbəkələrdə qeyri-dəqiq məlumatların sürətlə yayılmasından irəli gəlib.

Redaksiyamız bir daha vətəndaşlara müraciət edərək bildirir: hər hansı tibbi və ya kosmetoloji prosedura müraciət etməzdən əvvəl həkimin ixtisası, təhsili və istifadə olunan preparatların sertifikatlı olub-olmaması barədə dəqiq məlumat əldə etmək vacibdir. Yalnız bu halda sağlamlığınızı risk altına atmadan, təhlükəsiz xidmət ala bilərsiniz. 

Bakunews.az