Yanvarın 30-da 2024–2025-ci tədris ilində Dağlıq Şirvan Regional Təhsil İdarəsi üzrə Məktəblilərarası fənn müsabiqəsində qalib olmuş şagirdlərin mükafatlandırılma mərasimi keçirilib.

Qobustan şəhəri Elyar Vəliyev adına 2 nömrəli texniki və humanitar fənlər təmayüllü liseydə keçirilən tədbirdə Dağlıq Şirvan Regional Təhsil İdarəsinin müdiri Ramin Abasov, idarənin əməkdaşları, liseyin adını daşıyan Vətən Müharibəsi Qəhrəmanı, şəhid Elyar Vəliyevin atası Arif Vəliyev, Qobustan Rayon Təhsil Sektorunun müdiri, qalib şagirdlər, onların müəllimləri və valideynləri iştirak etmişdir.

Çıxış edən natiqlər əldə etdikləri nailiyyətlər münasibətilə şagirdləri təbrik edərək, onlara növbəti olimpiada və müsabiqələrdə uğurlar arzulayıblar.
Sonda qalib şagirdlərə diplom, medal və həddiyyə təqdim edilib. Həmçinin həmin şagirdlərin fənn müəllimlərinə və valideynlərinə də Regional İdarənin rəhbərliyi tərəfindən “Təşəkkürnamə” təqdim edilmişdir.

Qeyd edək ki, 2024–2025-ci tədris ilində Dağlıq Şirvan Regional Təhsil İdarəsi üzrə Məktəblilərarası fənn müsabiqəsində Qobustan şəhəri Elyar Vəliyev adına 2 nömrəli texniki və humanitar fənlər təmayüllü liseyin VIII sinif şagirdi Xəlilova Zülfiyyə Qalib qızı fizika fənni üzrə I yer və həmin liseyin VIII sinif şagirdi Əkbərli Gülər Qadir qızı isə biologiya fənni üzrə III yerə layiq görülüblər.