7 saylı tam orta məktəbdə “Narkomaniyaya yox deyək”
Salyan Rayon Polis Şöbəsinin təşkilatçılığı ilə 7 saylı tam orta məktəbdə “Narkomaniyaya yox deyək”, “Erkən və Qohumlar arasında nikahların mənfi nəticələri” mövzularında maarifləndirici görüş keçirilib.
Görüşdə polis şöbəsinin əməkdaşları, məktəbin pedaqoji heyəti və yuxarı sinif şagirdləri iştirak ediblər.
Tədbirdə çıxış edən RPŞ-nin rəisi, polis polkovniki Nəzər Əsgərov məktəblilərə narkotik vasitələrin zərərlərindən danışıb. O, bildirib ki, “ağ ölümün” qurbanına çevrilənlərin sağlam həyata qayıtması çox çətindir. Narkomaniya tək ölkəmiz üçün deyil, artıq bütün dünya üçün təhlükə mənbəyinə çevrilib və onun qarşısının alınması istiqamətində qabaqlayıcı tədbirlər görülür.
Daha sonra digər mövzu ətrafında çıxış edən tədbir iştirakçıları məktəblilərə dəyərli tövsiyələr verərək onları maraqlandıran sualları cavablandırıblar.
Tədbirin sonunda narkotiklərin fəsadlarından bəhs edən film nümayiş etdirilib.
bakunews.az
Əlaqə whatsapp:+994 70 402 02 85
BakuNews.az
