Rusiyada “Azərbaycan mafiyası”nın rəhbəri Tural Məmmədovun beynəlxalq axtarışa verilməsi barədə xəbər yaymışdıq.

BakuNews.az lent.az-a istinadən bildirir ki, Sankt-Peterburq sakinlərinə hücumları ilə tanınan “Azərbaycan mafiyası”nın rəhbəri Tural Məmmədov Azərbaycanda saxlanılıb.

Bu barədə Sankt-Peterburqun Azərbaycan diasporunun mətbuat xidməti məlumat yayıb.

Tural Məmmədovun Bakı şəhərində saxlanıldığı bildirilir.

“Mafiya”nın üzvü olan bloqqerlər sosial şəbəkələrdə Sankt-Peterburq sakinlərinə hücum edərək onları döydükləri videoları sayəsində məşhurlaşıblar. Bu döyülmələr nəticəsində cinayət işi açılıb. Artıq dəstənin 10 üzvü saxlanılıb, Məmmədov isə qaçdığı üçün beynəlxalq axtarışa verilib. O, hazırda həbsdədir və Rusiyaya ekstradisiyası gözlənilir.

“Sankt-Peterburq və Leninqrad vilayətinin Azərbaycan Milli-Mədəni Muxtariyyəti” şəhər ictimai təşkilatının mətbuat katibi Rəşadə Orucovanın verdiyi məlumata görə, konvensiyaya uyğun olaraq Rusiyadan sorğu göndərilib. O, həmçinin qeyd edib ki, Məmmədovun diaspor fəaliyyəti ilə heç bir əlaqəsi yoxdur, lakin ictimai təşkilatın rəhbəri Vaqif Məmişev bloqqerin ailəsi ilə əlaqə saxlayıb. Məmmədovun valideynləri onun əməlindən peşman olduqlarını bildirib və şəhər sakinlərindən üzr istəyiblər.

Dəstənin törətdiyi cinayətlər oktyabrın 15-də Rusiya İstintaq Komitəsinin rəhbəri Aleksandr Bastrıkin İstintaq Komitəsinin Sankt-Peterburq şöbəsinin rəhbəri Oleq Bobkova bu vəziyyətlə bağlı hesabat verməyi tapşırdıqdan sonra məlum olub. Ertəsi gün naməlum şəxslərin şəhər sakinlərinə hücumundan sonra cinayət işinin açıldığı açıqlanıb. İstintaqın məlumatına görə, 17 yaşlı Azərbaycan əsilli gənc yoldan keçənə hücum edərək ictimai yerdə dava salıb. Az sonra şübhəlilərin şəriki saxlanılıb, daha sonra polis daha beş dəstə üzvünü saxlayıb.

Globalinfo.az xatırladır ki, Tural Məmmədova görə Sank Peterburqda azərbaycanlıların toyuna basqın edilmişdi. Oktyabrın 30-da şəhərdə toy şənliyi edən azərbaycanlı ailə qəfil OMUN-un hücumuna məruz qalmışdı. Əməliyyatçılar toyda iştirak edən qonaqların sənədlərini yoxlayıblar. Onlar deyiblər ki, Məmmədov soyadlı cinayətkarı axtarırlar. Bildirilib ki, onun toyda iştirakı haqda məlumat var. Sonradan məlum oldu ki, OMON-un axtardığı şəxs Şəmkir rayonundan olan Rusiya vətəndaşı Tural Məmmədov. İstintaq Komitəsi onun saxlanılaraq Rusiyaya təhvil verilməsini tələb edirdi. Əks halda Sank Peterburqda yaşayan azərbaycanlılara qarşı təzqyilərin davam edəcəyi bildirilirdi.