Azərbaycan tarixinə xalqımızın sarslmaz birliyinin nümayişi kimi daxil olan 7
fevral növbədənkənar prezident seçkilərində xaricdə yaşayan azərbaycanlılar da öz
mütəşəkkil davranışları ilə fərqləniblər.
Ötən il dekabrın sonunda dünya azərbaycanlılarının təşəbbüsü ilə yaradılmış “BİZ
– Zəfər Yoluna Davam!” platforması xaricdəki Azərbaycan icmalarının Vətənə
bağlılığının, dövlətimizin milli maraqlarının keşiyində möhkəm dayanmalarının
mənzərəsini bir daha görməyə imkan yaradıb.
Xaricdə yaşayan soydaşlarımız fevralın 7-də təkcə “BİZ – Zəfər Yoluna Davam!”
platforması üzərindən dünya azərbaycanlılarının səsvermə prosesində böyük
fəallıqla iştirakını izləməyib, həmçinin bu platforma vasitəsilə Azərbaycanın ərazi
bütövlüyünün tam bərpa olunmasını həzm edə bilməyən ermənipərəst qüvvələrə
tutarlı cavab verib, “yumşaq güc”ə çevrildiklərini nümayiş etdiriblər.
Soydaşlarımız səsvermə prosesində iştirakları ilə bağlı video və fotomaterialları
müntəzəm olaraq platformada ictimailəşdirib, xaricdəki azərbaycanlıları səsvermə
hüquqlarından istifadə etməyə dəvət ediblər.
“BİZ” həqiqətən diasporumuzun siyasi yetkinliyinin, ulu öndər Heydər Əliyevin
azərbaycançılıq ideologiyasına sadiqliyinin, 50 milyonluq azərbaycanlının qüdrətli
orduya çevrilməsinin göstərcisi olub.