Niderland-Azərbaycan Türk Kültür Dərnəyinin rəhbəri İlhan Aşkının təşəbbüsü ilə ölkənin ikinci nüfuzlu qəzeti olan “Algemeen Dagblad” qəzetində Xocalı soyqırımı haqqında məqalə dərc olunub. Məqalədə 1992-ci il fevralın 25-dən 26-na keçən gecə 106-sı qadın, 83-ü uşaq, 70-i yaşlı olmaqla, 613 əliyalın xocalılınının qətlə yetirildiyi bildirilib, Xocalı həqiqətlərinə diqqət çəkilib.
Qeyd edək ki, Hollandiya-Azərbaycan-Türk Kültür Dərnəyinin layihəsi əsasında “Kamperfoeliestraat” parkında Xocalı soyqırımının qurbanlarının xatirəsini əbədiləşdirmək məqsədilə abidə ucaldılıb. İki metrə yaxın hündürlüyü olan abidənin üzərində körpəsini erməni qəsbkarlarından qorumaq üçün başının üzərinə qaldıran ana təsvir olunub.