28 aprel 2025-ci il tarixində 13 saylı cəzaçəkmə müəssisəsinin rəisi, ədliyyə polkovnik-leytenantı Elnur Hüseynovun 35 yaşı tamam olur. O, adıçəkilən müəssisəyə rəhbər təyin olunduğu gündən etibarən məhkumların saxlanma şəraitinin və ümumi həyat şəraitinin yaxşılaşdırılması istiqamətində mühüm addımlar atmışdır.

Onun rəhbərliyi dövründə müəssisədə bir sıra yenidənqurma və abadlaşdırma işləri həyata keçirilmişdir. Xüsusilə, uzun müddətdir istifadə olunmayan idman zalı bərpa edilərək məhkumların istifadəsinə verilmiş, telefon aparatlarının sayı artırılaraq onların ailələri ilə daha rahat əlaqə saxlamaları üçün şərait yaradılmışdır. Eyni zamanda müəssisənin futbol meydançası və məhkumların istifadə etdiyi yeməkxana əsaslı şəkildə təmir edilərək yenidən istismara təqdim edilmişdir.

Bu görülən işlər bir daha sübut edir ki, Ədliyyə Nazirliyinin Penitensiar Xidmətinə Mirsaleh Seyidovun rəis təyin edilməsi islahatlara və müsbət dəyişikliklərə yol açmış düzgün qərardır.

Sonda, hazırda həmin müəssisədə cəza çəkən məhkum Etibar Toğrul da Elnur Hüseynovu doğum günü münasibətilə səmimi qəlbdən təbrik edir, ona möhkəm can sağlığı və uğurlar arzulayır.