AAYDA-da Büdcə Vəsaitlərinin Talası İddiaları – Saleh Məmmədovun Adı Yenidən Gündəmdə

Son günlər Azərbaycan Avtomobil Yolları Dövlət Agentliyinin (AAYDA) sədri Saleh Məmmədovla bağlı yayılan məlumatlar ictimaiyyətdə ciddi narahatlıq doğurur. Məlumatlara əsasən, qurum rəhbəri müxtəlif sxemlər və qohum əlaqələri vasitəsilə dövlət büdcəsindən ayrılan vəsaitlərin mənimsənilməsinə şərait yaradır.

İddialarda bildirilir ki, AAYDA-ya ayrılan milyonlarla manatlıq maliyyə vəsaitləri şişirdilmiş layihələr, formal tenderlər və yaxın qohumlara məxsus şirkətlər vasitəsilə yönləndirilir və nəticədə dövlət vəsaitləri təyinatından kənar istifadə olunur.

Qeyd edək ki, yol infrastrukturu ölkə iqtisadiyyatı və bölgələrin inkişafı üçün strateji əhəmiyyət daşıyır. Bu sahəyə ayrılan vəsaitlərin şəffaf və məqsədyönlü istifadəsi isə hər bir vətəndaşın haqqıdır. Əgər yayılan iddialar həqiqətə uyğundursa, bu, korrupsiya faktı olmaqla yanaşı, dövlət maraqlarına birbaşa zərbə hesab edilməlidir.

AAYDA rəhbərliyindən isə bu iddialarla bağlı hələlik ictimaiyyətə heç bir əsaslandırılmış açıqlama verilməyib. Şəffaflıq təmin olunmadıqca, bu kimi şübhələr artmaqda davam edəcək və dövlət qurumuna olan ictimai etimadı sarsıdacaq.

İctimaiyyət gözləyir ki, hüquq-mühafizə orqanları məsələyə hüquqi qiymət versin, iddialar ciddi şəkildə araşdırılsın və əgər təsdiqini taparsa, məsul şəxslər qanun qarşısında cavab versinlər.

Qarşı tərəfin mövqeyini işıqlandırmağa hazırıq.

Qeyd: Məsələ ilə bağlı Azərbaycan Avtomobil Yolları Dövlət Agentliyinə rəsmi sorğu ünvanlanıb. Cavab təqdim edildikdən sonra ictimaiyyətə təqdim olunacaq.

Araşdırmalar davam edir.