Azər Məmmədov adına 115 nömrəli məktəb təhsil sisteminə yeni "nəfəs" gətirib. Belə ki, məktəbin direktoru Natəvan Əsədova həm də hamımızın tanıdığı Memar Əcəmidə yerləşən Moskva Ticarət Mərkəzinin müdiridir. Belə ki, Binəqədi rayonu 115 nömrəli məktəbdə dərsdən başqa hər şey həyata keçirilir. Ən əsası da qızıl alveri. Qızıl alveri məktəbin əsas peşəsidir.

Məktəbdə qızıl alverinin əsas təşkilatçısı və satıcısının Təranə Hüseynova olduğu qeyd edilir. Qızıl alverinin əsas müştəriləri isə elə məktəbin öz müəllim heyətidir.

Tehsilmedia.info bildirir ki, bu müştərilərdən biri də məktəbin informatika müəllimi Sevinc xanımdır. İddialara görə, Sevinc xanım Təranə Hüseynovadan təxminən 50 000 manat dəyərində qızıl-zinət əşyaları əldə etsə də, onun pulunu geri qaytarmayıb. Borcun ödənilməməsi hazırda iki müəllim arasında ciddi və gərgin bir münaqişəyə səbəb olub.
Pulunu geri ala bilməyən Təranə Hüseynova məsələ ilə bağlı hüquq-mühafizə orqanlarına müraciət edib. Təranə xanım həmkarı Sevinc xanımın mütləq şəkildə həbs olunmasını təmin etmək məqsədilə hüquq-mühafizə orqanlarına əlavə "hörmətlər" (rüşvət) də təklif edib.
Lakin digər diqqətçəkən məqam bundan 7 ay öncə informatika müəllimi Sevinc xanıma qarşı dələduzluq (Cinayət Məcəlləsinin 178-ci maddəsi) cinayəti üzrə ev dustaqlığı qətimkan tədbiri seçilib və onun hərəkətlərinə nəzarət edilməsi məqsədilə ayağına elektron qolbaq bərkidilib.
Lakin yayılan məlumatlara görə, tehsilmedia.info qeyd edir ki, aidiyyatı İcra və Probasiya Şöbəsi müəyyən qeyri-qanuni ödənişlər qarşılığında məhkəmənin müvafiq qərarının icrasına göz yumub, Sevinc xanımın hərəkətlərinə qanunla müəyyən edilmiş qaydada nəzarət etməyib və ya müvafiq qərarları gizlədərək lazımi ünvanlara göndərməkdən yayınıb.
Hazırda məktəbin daxilindəki bu iki qruplaşma və müəllimlər arasındakı "qızıl davası" hüquqi müstəvidə daha da kəskinləşməkdə davam edir.(Tehsilmedia.info)