Ukraynanın Təhlükəsizlik Xidməti ölkənin hərbi hissələrinin və paytaxtın mühüm infrastrukturunun, strateji əhəmiyyətli obyektlərinin yerləşdiyi yerlər barədə məlumat toplayan və yayan 35 yaşlı Kiyev sakinini saxlayıb.

bakunews.az qaynarinfo-ya istinadən xəbər verir ki, bu barədə SBU-nun mətbuat xidməti məlumat yayıb.

O, xüsusi yaradılmış qapalı "Telegram" kanalı vasitəsilə koordinatları olan müvafiq foto və video materialları yayıb.

Əks-kəşfiyyat əməkdaşları casusu şəhərin hərbi hissələrinin birindən hərbi qulluqçuların çıxarılması barədə məlumat yaymağa cəhd edərkən saxlayıblar.

Adı açıqlanmayan qadına qarşı Ukrayna Cinayət Məcəlləsinin 114-2-ci maddəsinin 3-cü hissəsi ilə (Silah və sursatın Ukraynaya aparılması, Ukrayna Silahlı Qüvvələrinin hərəkəti, yerdəyişməsi və ya yerləşdirilməsi haqqında məlumatın icazəsiz yayılması) maddəsi ilə ittiham irəli sürülüb.

bakunews.az