Prezident: Çinlə strateji tərəfdaşlıq ŞƏT çətiri altında bir çox imkanlar açır
Çinlə strateji tərəfdaşlıq Şanxay Əməkdaşlıq Təşkilatının (ŞƏT) çətiri altında əməkdaşlıq baxımından bir çox imkanlar açır.
Bunu Azərbaycan Prezidenti İlham Əliyev Pekində CGTN (China Global Television Network) telekanalına müsahibəsində deyib.
Dövlət başçısı qeyd edib ki, Azərbaycan çoxtərəfliliyin güclü tərəfdarıdır:
"Əlbəttə, biz Şanxay Əməkdaşlıq Təşkilatına daha yaxın olmaq istəyirik. Prezident Si Cinpin məni Zirvə toplantısına dəvət edib və bir neçə aydan sonra mən yenidən Çinə səfər edəcəyəm".
Azərbaycan liderinin sözlərinə görə, təşkilatla yaxınlıq həm təşkilat, həm də Azərbaycan üçün faydalı olar:
"Çünki biz Xəzərin qərb sahilində yerləşən ölkəyik. Eyni zamanda, Azərbaycan güclü siyasi münasibətlərə və nəqliyyat layihələrinə malik Cənubi Qafqaz ölkəsidir. Çinlə strateji tərəfdaş olmağımız Şanxay Əməkdaşlıq Təşkilatının çətiri altında əməkdaşlığımız baxımından bizə bir çox imkanlar açır".
Əlaqə whatsapp:+994 70 402 02 85
BakuNews.az
