"Onlar 10 il müddətinə azadlıqdan mərhum ediləcəklər".

bakunews.az qaynarinfo-ya istinadən xəbər verir ki, bunu vəkil Əkrəm Həsənov Bərdədə 14 yaşlı qıza qarşı seksual xarakterli zorakılıq hərəkətləri törədən və onun görüntülərini yayan şəxslər barəsində açılan cinayət işindən danışarkən deyib. Vəkilin sözlərinə görə, Bərdədə 14 yaşlı qızın 4 nəfər tərəfindən zorlanması ilk növbədə ənənəvi dəyərlərin, ailə institutunun zəifləməsinin nəticəsidir.

"Tərbiyəsizlik baş alıb gedir! Nakişilərin, kişi qırıqlarının, binamusların, biqeyrətlərin sayı artır. Belələrinin hökmü ölüm olmalıdır. Lakin yetkinlik yaşına çatmayıblarsa, maksimum 10 il müddətinə azadlıqdan məhrum ediləcəklər. Buna görə də ədalətin bərqərar olması, potensial cinayətkarların qorxması üçün ictimai qınaq güclü olmalıdır! Bu halda hər kəs layiqli cəzasını alacaq...”

Qeyd edək ki, Bərdə rayonunda məktəbli qıza 4 nəfər tərəfindən təcavüz edilib. Bərdə Rayon Polis Şöbəsindən verilən məlumata görə, keçirilən tədbirlər nəticəsində qeyd olunan hadisəni törədərək videoya çəkən 4 nəfər müəyyən edilərək saxlanılıb.

14 yaşlı qıza qarşı seksual xarakterli zorakılıq hərəkətləri törədən və onun görüntülərini yayan şəxslər barəsində cinayət işi açılıb.

Faktla bağlı Cinayət Məcəlləsinin 152.1-ci (On altı yaşına çatmayan şəxslə cinsi əlaqədə olma və ya seksual xarakterli digər hərəkətlər etmə) maddəsi ilə cinayət işi başlanılıb, istintaq aparılır.

bakunews.az