Bir həftədir bloklanan bank kartı: Müştəri Unibank və Leo Bank arasında qalıb

Gəncə sakini olaraq bank xidmətlərindən istifadə edən bir müştəri kimi qarşılaşdığım problemə ictimaiyyətin və aidiyyəti qurumların diqqətini cəlb etmək istəyirəm. Bu barədə Turkdunyasiinfo-ya vətəndaş müraciət edib.

Təxminən bir həftədir bank kartım heç bir aydın və əsaslandırılmış səbəb bildirilmədən bloklanıb. Nəticədə hesabımda olan vəsaitə normal şəkildə çıxış imkanım məhdudlaşdırılıb.

Problemin səbəbini öyrənmək və həll etmək məqsədilə əvvəlcə bankın dəstək xidmətinə və qaynar xəttinə dəfələrlə müraciət etmişəm. Lakin müraciətlərimə konkret və aydın cavab verilməyib. Mənə problemin hansı səbəbdən yarandığı, hansı struktur bölmənin məsul olduğu və nə zaman həll ediləcəyi barədə dəqiq məlumat təqdim olunmayıb.

Daha sonra Gəncədə Unibank filialına şəxsən müraciət edərək məsələ ilə bağlı AML üzrə məsul şəxslə əlaqə yaradılmasını xahiş etmişəm. Buna baxmayaraq, mənə problemin həlli istiqamətində real dəstək göstərilməyib və yenidən digər bankın dəstək xidmətinə yönləndirilmişəm.

Beləliklə, artıq bir həftədir ki, bir bankdan digərinə yönləndirilirəm, lakin heç bir tərəf məsələyə konkret aydınlıq gətirmir. Mən isə öz hesabım və vəsaitimlə bağlı nə baş verdiyini bilmədən gözləməli oluram.

Burada əsas narazılığım təkcə kartın bloklanması deyil. Əgər bank tərəfindən hesab üzrə hər hansı təhlükəsizlik, AML və ya digər qanuni yoxlama aparılırsa, bunun mövcud qanunvericilik çərçivəsində həyata keçirilməsini başa düşürəm. Lakin müştərinin dəfələrlə müraciət etməsinə baxmayaraq, problemin həlli üçün hara müraciət etməli olduğu barədə düzgün istiqamətləndirilməməsi və məsələnin müxtəlif qurumlar arasında ötürülməsi ciddi suallar yaradır.

Mən bankdan yalnız konkret və əsaslandırılmış cavab tələb edirəm:

Kartım və hesabım hansı əsasla bloklanıb?
Hesabımdakı vəsaitə çıxışım niyə məhdudlaşdırılıb?
Məsələ hansı struktur bölmənin icraatındadır?
AML yoxlaması aparılırsa, müraciətim hansı qaydada araşdırılır?
Problemin həlli üçün mən konkret olaraq hansı addımı atmalıyam?
Hesab və kart üzrə məhdudiyyət nə zaman və hansı şərtlərlə aradan qaldırıla bilər?

Ən əsası isə müraciətlərimin rəsmi şəkildə qəbul edilərək qeydiyyata alınmasını və mənə müraciətimin qeydiyyat nömrəsinin təqdim edilməsini tələb etmişəm. Lakin bu barədə də lazımi dəstək göstərilməyib.

Artıq yaranmış vəziyyət mənə həm maddi, həm də mənəvi baxımdan ciddi narahatlıq yaradır. Öz vəsaitimə çıxış imkanımın məhdudlaşdırılması və bunun səbəbi barədə aydın məlumat ala bilməməyim qəbuledilməz vəziyyətdir.

Məsələ ilə bağlı Azərbaycan Respublikasının Mərkəzi Bankına da müraciət etmək niyyətindəyəm. Mərkəzi Bank bank xidmətləri ilə bağlı istehlakçı müraciətlərini qəbul edir və bunun üçün 966 qaynar xətti və elektron müraciət imkanları təqdim edir.

Mənim məqsədim hər hansı bankı əsassız şəkildə ittiham etmək deyil. Sadəcə olaraq, müştəri kimi hüquqlarımın qorunmasını, hesabım və vəsaitimlə bağlı yaranmış vəziyyətə aydınlıq gətirilməsini və müraciətlərimə konkret cavab verilməsini istəyirəm.

Ümid edirəm ki, aidiyyəti qurumlar məsələni araşdıracaq və bir həftədir davam edən bu qeyri-müəyyənliyə nəhayət aydınlıq gətiriləcək.

Qarşı tərəfin də, mövqeyini işıqlandırmağa