10-14 iyul 2025-ci il tarixlərində Türkiyənin Edirne şəhərində təşkil olunan 8-ci Açıq Balkan Avrasiya Kuboku çərçivəsində keçirilən Uşu-Sanda üzrə beynəlxalq turnirdə Azərbaycanı təmsil edən idmançı Şamil Hacızadə böyük uğura imza atıb.

Şamil Hacızadə kişilər arasında -80 kq çəki dərəcəsində mübarizə apararaq iki türk idmançını ardıcıl məğlub edib və turnirin qalibi olub. Finalda qazandığı parlaq qələbə ilə Şamil Azərbaycan bayrağını beynəlxalq arenada ucaldaraq ölkəmizi layiqincə təmsil edib.

Turnir, Türkiyə Gənclər və İdman Nazirliyi, eləcə də Türkiyə Uşu Kung-Fu Federasiyasının təşkilatçılığı ilə keçirilib. Yarışda bir neçə ölkənin idmançıları iştirak edərək müxtəlif çəki dərəcələrində güclərini sınayıblar.

Gənc və istedadlı idmançımızın qazandığı bu uğur Azərbaycan uşu idmanının inkişafında mühüm rol oynamaqla yanaşı, gələcək beynəlxalq turnirlər üçün də böyük stimuldur.

Şamil Hacızadəni bu möhtəşəm nailiyyət münasibətilə təbrik edir, ona yeni qələbələr arzulayırıq!

Bakunews.az