Son günlər yerli mətbuatda “Rahat”, “Grandmart”, “Bolmart”, “Port bazar”, “Megastore” və “Pribaltika məhsulları” kimi marketlər şəbəkələrinin külli miqdarda vergi borcu yaranması, əməkdaşların əmək haqqlarının vaxtında ala bilməmələri ilə bağlı xəbərlər yayılmşdı.

Bakunews.az xəbər verir ki, Demokrat.az qeyd olunan məsələ ilə bağlı yeni məlumatlar əldə edib. Belə ki, əsas problemlərdən biridə Azcake brendi ilə bağlıdır. Rahat marketlər şəbəkəsinin təsisçilərindən biri olan Cəlal Babakişiyevə aid olan bu brend 2014 cü ildə yaradılıb. Babakişiyev bütün Rahat, Grandmart və Bolmart marketlərinin daxilində həmin biznesin fəaliyyəti üçün xüsusi yerlər götürərək genişləndirib. Gündəlik şirniyyat məhsullarından tutmuş çorəyə qədər istehsal olunaraq istehlakçılara təqdim olunur. Azcake- də ölkə üzrə 1000-dən çox əməkdaş çalışır.

Bu işin gözə görünən şəffaf və alıcılara faydalı tərəfi.

Gələk bu biznesin görünməyən tərəfinə. Əldə etdiyimiz məlumata görə uzun müddətdir ki, Grandmart və Bolmart marketlər şəbəkəsi külli miqdarda vəsaiti Azcake şirkətinin hesabına köçürüb. Sonradan isə həmin vəsait divident kimi nağdlaşdırılaraq mənimsənilib.

Qeyd edək ki, Azcake -in əməkdaşlardan bir neçəsi redaksiyamızla əlaqə saxlayaraq son aylar əmək haqqlarının ödənilmədiyini bildiriblər

Qarşı tərəfin mövqeyini dərc etməyə hazırıq.