"Google" şirkəti maraqlı bir səbəbə görə işçisini vəzifəsindən kənarlaşdırıb.
Cebhe.info xəbər verir ki, buna səbəb Bleyk Lemoin adlı mühəndisin süni intellektin canlandığını deməsi olub. O, "Lamda" adlı süni intellektin şüur qazandığını və insan kimi öz varlığı haqqında düşüncələrə sahib olduğunu iddia edib.
Lakin bunun ardından "Google" şirkəti mühəndisin korporativ məxfilik qaydalarını pozduğuna görə işdən çıxarıldığını açıqlayıb. Şirkət onun iddialarının tamamilə əsassız olduğunu bildirib:
"Təəssüf ki, o, bu məsələ ilə uzun müddət məşğul olmasına baxmayaraq, açıq məşğulluq və məlumat təhlükəsizliyi siyasətini israrla pozmağı seçib".