Özbəkistan Prezidenti Azərbaycan diasporunun nümayəndələrini “Dostluq” ordeni ilə təltif edib
Özbəkistan Prezidenti Şavkat Mirziyoyevin müvafiq Sərəncamı ilə yüksək dövlət mükafatına layiq görülən bir qrup tanınmış şəxs arasında Azərbaycan diasporunun fəal nümayəndələri də var.
bakunews.az xəbər verir ki, Xalqlar Dostluğu Günü münasibətilə imzalanan Sərəncama əsasən, Respublika Azərbaycan Milli-Mədəni Mərkəzinin idarə heyətinin üzvü Eldar Məmmədov və “Qardaşlıq” Azərbaycan Mədəni Mərkəzinin sədr müavini, Daşkəndin Mirabad rayonunun Temiryolçular məhəllə komitəsinin sədri Mehriban Rəhimova “Dostluq” ordeni ilə təltif olunublar.
Diaspor üzvlərimiz ölkədə millətlərarası harmoniya və dostluğun, müxtəlif xalqların və millətlərin nümayəndələri arasında tolerantlıq, mehribanlıq və qarşılıqlı anlaşma mühitinin möhkəmlənməsinə, milli mədəniyyətlərin, adət-ənənələrin qorunub saxlanılmasına və inkişafına töhfə verdiklərinə görə bu mükafata layiq görülüblər.
Diasporla İş üzrə Dövlət Komitəsi hər iki diaspor nümayəndəsini bu mükafat münasibətilə təbrik edir, gələcək fəaliyyətlərində uğurlar arzulayır.
Şikayət və təkliflər üçün qaynar xətt:
Əlaqə whatsapp:+994 70 402 02 85
BakuNews.az
Əlaqə whatsapp:+994 70 402 02 85
BakuNews.az
