TƏBİB-in rəhbəri Vüqar Bayramovun sədrliyi ilə keçirilən iclasda qurumdakı ciddi yeyinti, təchizat pozuntuları və uzunmüddətli təmir gecikmələri müzakirə edilib. Məlumata görə, iclasda Mirələmin müavini Bəhmən və 113 xidmətinin anbar müdiri Fuad sərt şəkildə danlanıb.

Avtobazada gərginlik rəhbərlik yeyintilərə görə müdirləri ittiham etdi

İclasdan dərhal sonra müavini Bəhmən ayrıca toplantı təşkil edərək avtobaza müdiri Kərimi və anbar müdiri Soltanı ehtiyat hissələri ilə bağlı yeyinti və saxtakarlıqda ittiham edib.

Etibarlı mənbədən alınan məlumatlara görə:

- 10-dan artıq təcili yardım avtomobili 4 aydan çoxdur ki, təmirdə ilişib qalıb;
- ehtiyat hissələrinin uyğun olmayan kodlarla qəsdən sifariş edilməsi sistemli hal alıb;
- bu səbəbdən təmir prosesləri ləngiyir və maşınlar aylarla qarajdan çıxmır.

Uyğunsuz kodlarla sifariş, klassik “yeyinti sxemi”

Mənbə bildirir ki, sifarişlər tender yolu ilə verilsə də, qəsdən düzgün kodlardan istifadə olunmur. Nəticədə anbara uyğun olmayan detallar təhvil verilir.

Məsələn:

- “Nazimçarx” Mercedes Vito modeli üçün sifariş verilir,
- lakin anbara Sprinter modeli üçün olan “nazimçarx” təhvil olunur.

Bu uyğunsuzluqların bilərəkdən edildiyi, məqsədin isə təmir prosesinin uzadılması və lazımsız detalların dövriyyəyə salınması olduğu qeyd edilir.

Briqadalar 7 yox, 4 maşınla işləməyə məcburdur

Məlumata əsasən, təcili yardım şöbəsində hər smen üçün 7 briqada fəaliyyət göstərməlidir, lakin maşın çatışmazlığı səbəbindən yalnız 4 operativ nəqliyyat vasitəsi xəttə buraxılır.

Bu isə bir neçə ciddi nəticə yaradır:

- Sürücülər iki və daha artıq həkimlə işləməyə məcbur edilir – bu artıq əmək istismarına daxildir;
- briqadaların həkim heyəti tez-tez dəyişdirildiyi üçün təhvil-təslim prosesi tam aparılmır;
- nəticədə dərmanlar və tibbi avadanlıqların itməsi halları artır;
- bu isə dövlət əmlakının talanması kimi qiymətləndirilir.

Xəstələr risk altında qalır, çağırışlara gecikmə artır

Avadanlıq və dərman çatışmazlığı səbəbindən bəzi briqadalar çağırış zamanı çıxılmaz vəziyyətdə qalır. Mənbələr bildirir ki:

- Həkimlər çox vaxt lazım olan preparatları və avadanlıqları maşında tapa bilmir;
- buna görə çağırışların icrasında gecikmələr olur;
- hər gün onlarla xəstənin həyatı riskə atılır.

Mənbənin sözlərinə görə, artan narazılıq birbaşa TƏBİB rəhbəri Vüqar Bayramovun vəziyyətə nəzarət edə bilməməsi ilə əlaqələndirilir. Aylarla təmirdə qalan maşınlar, yeyinti hallarının genişlənməsi və idarəetmədəki boşluqlar qurumda ciddi idarəçilik böhranı yaratdığı iddia olunur. Bəzi mənbələr isə keçmiş rəhbərliyin təyin etdiyi postlardakı şəxslər bilərəkdən bu qədər narazılığın yaranmasına şərait yaradır ki, Vuqar Bayramovun işinin öhdəsindən gələ bilmədiyi nəzarətsiz qalan idarəyə yeni təyinata nail olunsun. Təbii ki bütün bunlar iddiadır. İddialara cavabı isə yalnız qarşı tərəf aydınlıq gətirə bilrə. Elə bu baxımdanda Vuqar Bayramovun məsələyə münasibətini bilmək istərdik.