"Astronomiya olimpiadasına hazırlıq” qrant layihəsi üzrə növbəti fəaliyyət - 9-cu sinif şagirdləri ilə onuncu təlim təşkil edilib.
04 yanvar 2026-cı il tarixində Beyləqan rayonu, Dünyamalılar kəndi Ə.Şirinov adına 1 nömrəli tam orta ümumtəhsil məktəbində layihənin təlimçisi Fərəh Bəylərova tərəfindən 9-cu sinif şagirdləri üçün onuncu təlim həyata keçirilib.
Təlimdə 9-cu sinif şagirdlərinə "Günəş sisteminin daxili planetləri. Günəş sisteminin xarici planetləri" barədə bilgilər verilib. Təlim zamanı Günəş sisteminin daxili və xarici planetlərinin xaraktersitikaları, daxili quruluşları, təkamül mərhələləri, atmosferlərinin tərkibi, temperaturları, peykləri, tədqiqat tarixləri, daxili planetlərlə xarici planetlərlərin fərqi və s. barədə müzakirələr aparılıb.
Xatırladaq ki, “Astronomiya olimpiadasına hazırlıq” qrant layihəsi Əli Quliyev tərəfindən Beyləqan rayonu Dünyamalılar kəndi Ə.Şirinov adına 1 nömrəli tam orta ümumtəhsil məktəbində icra olunur. Layihənin məqsədi şagirdlərin astronomiyaya marağını artırmaq, olimpiadalara sistemli hazırlıq yaratmaq və elmə yönəlmiş gənc nəslin formalaşmasına dəstək verməkdir.
Əlaqə whatsapp:+994 70 402 02 85
BakuNews.az
