Müğənni Nura Suri yaşadığı bina ilə bağlı şikayət paylaşımı edib.

O,sosial hesabında qeyd edib ki:

“Bakı şəhəri, Xətai rayonu, Babək prospektində yerləşən Yapı İnşaat-ın binaları ilə bağlı mühüm problem var.

Son vaxtlar bu binalarla bağlı ciddi problemlərlə üzləşmişik. Binaların yeni qanuna əsasən təhvil verildiyi iddia olunur, lakin heç bir rəsmi sənəd yoxdur. Hətta yeni komendant, Firdovsi adlı şəxs, binanı hələ rəsmi təhvil almadığını təsdiqləyir.

“Yapı inşaat” şirkəti Şahmar Vəliyevə məxsusdur. Kommunal xidmətlərin ödənməməsi səbəbiylə biz, ödəyən sakinlər, böyük əziyyət çəkirik. Lift 1 həftədir bağlıdır. Suyun kəsintiləri baş verir.

Komendant, liftin platasının yanıb və 900 manat olduğunu bildirir, amma bu məbləğin onda olmadığını da əlavə edir.

Ödənişləri vaxtında edənlər belə, kommunal xidmətlərdəki bu pozuntulardan əziyyət çəkir.

Hüquqşünaslara ehtiyacımız var! Əgər bu məsələlərdə köməklik göstərə bilərsinizsə və ya etibarlı bir hüquqşünas tanıyırsınızsa, xahiş edirəm mənimlə əlaqə saxlayasınız. Digər problemlərimiz də var, lakin bu an üçün bu məsələnin həllinə öncəlik veririk”.

Tribunainfo.az